Lise Diwan Karaez

Lire en français

E 1994 e oa bet digoret an eilvet klas kentañ Diwan er Releg-Kerhuon. E 1997 e teuas al lise da Garaez lec’h m’emañ c’hoazh.

Betek 2019, al lise Diwan nemetañ a oa hini Karaez, ul lise all en deus digoret e Gwened bremañ.

Digor eo al lise Diwan war an diavaez muioc’h eget darn vrasañ al liseoù all, digor e chom ar prenestroù war ar bed. Bep bloaz e vez liseidi o vont d’an estrenvro, da Euskadi pe da Alamagn. Ur gwir rann european zo el lise. Labouret e vez e saozneg war skiantoù an natur. Kluboù zo el lise diwar intrudu al liseidi o-unan. Neuze e cheñch a vloaz da vloaz hervez al liseidi. Kalz liseidi a ra traoù er-maez al lise ivez, dreist-holl war-dro ar sonerezh. E-leizh a sonerien zo amañ ! Betek pevar-ugent lisead a rae kentelioù muzik en diavaez e 2017. Sportourien zo ivez.

Un dra dibar evit liseidi Diwan Karaez eo o darempredoù aes gant ar re gozh. Setu pezh a lavar ar gelennerien er-maez Diwan atav. Al liseidi neuze n’int ket troc’het diouzh yezh ha sevenadur o bro evel e liseoù all, na diouzh ar broioù all, na diouzh ar remziadoù all.

Al liammoù etre al liseidi bet e Karaez a bad pell goude o bloavezhioù lise.

Ha n’eo ket dav komz eus disoc’hoù mat liseidi Diwan en arnodennoù. Anavezet eo bremañ !