Darempred

Degemer > Dibab Diwan > Diwan berr ha berr
deiziadur_naoned_2018_calendriers_en_bateau
Skeudenn tennet eus deiziadur Diwan 2018, graet gant skol Naoned ©Diwan Naoned

Diwan berr ha berr

Lire cet article en français

Ur rouedad 48 skol, 6 skolaj ha 2 lise a ya da ober ar skolioù Diwan er pemp departamant.

4 063 skoliad zo bet degemeret en distro skol 2020 er rouedad, en o zouez un drederenn en eil derez.

Digoust, laik ha digor d’an holl eo ar c’helenn ; se zo kaoz ez eo ar strollegezhioù lec’hel keveler ar rouedad.

Kinniget vez ur c’helenn dre soubidigezh a laka ar skolidi da vestroniañ kenkoulz ar brezhoneg hag ar galleg ha kement dre gomz ha dre skrid.

Dindan gevrat emañ ar skolioù gant an Deskadurezh Stad. Kemeret vez e kont eta goproù ar skolaerien. Heuliañ a ra ar skolaerien-mañ programmoù ofisiel gall hag ensellet int evel o c’henseurted eus ar c’helenn publik ha prevez.

Skolioù kevredigezhel eo ar skolioù, skolajoù ha lise, meret gant familhoù a youl vat er c’hevredigezhioù desevel poblek.

Arc’hantet eo pep skol gant obererezhioù ur c’huzul skoazell pe vuioc’h oc’h aozañ abadennoù sevenadurel, dudius pe sport. Gant an arc’hant dastumet gant ar c’huzulioù skoazell-mañ e c’hell bezañ digoust ar c'helenn.

Diwan : ur skol gant ur raktres hag un hentenn a-ziforc’h

... hag ur skol evel ar re all

  • Klasoù kevratet gant an Deskadurezh Stad.
  • Kelennerien stummet, titlet, diplomoù heñvel ha re ar c’helenn publik hag ar c’helenn prevez.
  • Skolioù ma vez heuliet ar programmoù ofisiel.
  • Skolidi ganto ur skoliaterezh heñvel ha hini ar skolidi all. Tremen a reomp an hevelep arnodennoù ha priziadennoù.

Dielloù

Skignañ ar pennad-mañ

Lenn ivez

Kenavo Anna-Vari !

Leuskel a ra Anna-Vari Chapalain he flas evit mont war he leve goude 20 vloavezh e renerezh ar rouedad Diwan. Distroomp war ur red...

Ur skol nevez hag ul lise nevez evit Diwan !

Ur skol nevez hag ul lise nevez evit Diwan ! Loc’het eo ar skolidi ha skipailhoù ar skolioù, skolajoù ha liseoù gant un distro-skol...

Setu erru deiziadur Diwan 2021 !

Evel bep bloaz e vez embannet gant Diwan e zeiziadur. Ar wech-mañ eo skol ar Faou he deus sevenet anezhañ war dem ar plantennoù gouez.

Tombola Diwan 2020 ampelaet

Deiziet e oa e miz Even 2020, met abalamour d'ar prantad kenfinañ ez eo bet divizet adkas an dennadenn Tombola Diwan d'an 10 a viz Here 2020.

An holl bennadoù war an tem-mañ