Soutenit dazont Diwan gant Roc'h Diwan

Roc'h Diwan eo font debarzhadur Diwan.

Krouet e 2010, gantañ e vez sikouret hor rouedad Diwan en un doare padus dre obererezhioù liesseurt : profoù, mesenerezh arc'hant pe barregezhioù, legadoù, donezonoù pe c'hoazh asurañsoù buhez.

Perak souten Roc'h Diwan ?

Postañ arc'hant e dazont sevenadur hag ekonomiezh Breizh. Gant ho skoazell e vo gellet brudañ ar brezhoneg ha stummañ tud oberiant an dazont :

Skolidi liesyezhek ha digor war ar bed.

Talvoudekaat hoc'h emouestl er gevredigezh hag en ho Korn-bro. En ur souten Diwan e teuit da vezañ oberiant el lusk Breizh. Degas a reoc'h ho lod e-barzh raktresoù deskiñ, sokial, ha sevenadurel, ar pezh a ro nerzh d'ar rouedadoù lec'hel.

Gounit spletoù war an tailhoù.

Ar pezh a roit da font debarzhadur Diwan, pe vefe donezonoù pe legadoù, a zegas spletoù dedennus war an tailhoù.

Ma fell deoc’h titouroù pe kuzulioù diwar-benn kinnigoù leg, donezon, asurañs buhez, e c’hellit mont e darempred gant Diwan dre bostel, dre bellgomz (02 98 21 33 69 ou 06 24 90 36 07) pe dre lizher :

> Roc’h Diwan, ZA Sant Ernel, BP 147, 29411 Landerne cedex