Darempred

Degemer > Dibab ar soubidigezh > rouedad eskolim
Eskolim_Strasbourg_2017_IMG-20170318-WA0003

Eskolim

Pemp rouedad dre soubidigezh, 14 484 skoliad

Lire cet article en français

Asambles gant e gevelerien eus ar rouedad Eskolim e c’houlenn Diwan ma vo anavezet ar c’helenn dre soubidigezh gant ar Stad.

E 2009, prestik goude bezañ bet anavezet ar yezhoù rannvro er Vonreizh c’hall e oa bet bodet ar pemp rouedad skolioù dre soubidigezh e yezhoù rannvro en ur gevredigezh evit lakaat anavezout ar soubidigezh yezh-mañ.

Ar c’hevredigezhioù oc’h ober Eskolim :

   - Seaska e Bro Euskadi (4 001 skoliad, 37 ikastola e miz Gwengolo 2019)

   - Bressola e Katalonia (1 031 skoliad, 8 skol)

   - Diwan e Breizh (4 307 skoliad, 55 skol)

   - Calandreta e Okitania (3 937 skoliad, 69 calandreta)

   - ABCM-Zweisprachigkeit e Elzas-Mozel (1 208 skoliad, 12 skol).

E miz Kerzu  2016 e Biarritz e oa bet sinet gant Eskolim ha Sindikad broadel ar radioioù frank ur c’henemglev war degasadenn deskiñ ar radioioù, gant ur sell war stad sokioyezhel ha sevenadurel ar yezhoù rannvro.

Un tammig a-raok an distro-skol 2019 e oa bet embannet un enklask er gazetenn Le Monde war ur bajenn diwar-benn hor skolioù e yezhoù rannvro dre soubidigezh a vank ar peadra evit mont war-raok ha « beuzet int dindan ar goulennoù ».

 

Diskleriadur Ciboure (8 a viz C’hwevrer 2009)

« Krouet eo Eskolim e framm ur gevredigezh lezenn 1901 gant ar pemp kevredad skolioù kevredigezhel ABCM-Zweisprachigkeit, Bressola, Calandreta, Diwan, Seaska. Gant ar gevredigezh-mañ e c’hellint ezteurel holl asambles diwar-benn ar yezhoù (elzaseg-mozeleg, euskareg, brezhoneg, katalaneg hag okitaneg) hag ar c’helenn.

« Goulenn a reont ma vo termenet hag anavezet an hentenn dre soubidigezh evel ur frankiz pedagogel gouest da ambroug ar skolidi betek an divyezhegezh.  

« Fellout a ra dezho e vo ul lezenn evit ofisielaat ar yezhoù a  zo e kreiz o obererezh kelenn ha goulenn a reont ma vo lakaet e pleustr ur gwir genlabour etre ar strollegezhioù lec’hel hag ar Stad evit merañ ar yezhoù glad »

Gerioù-alc'hwez stag : eskolim    soubidigezh   

Skignañ ar pennad-mañ

Lenn ivez

Setu erru deiziadur Diwan 2021 !

Evel bep bloaz e vez embannet gant Diwan e zeiziadur. Ar wech-mañ eo skol ar Faou he deus sevenet anezhañ war dem ar plantennoù gouez.

Disoc'hoù Tombola Diwan 2020

Da heul an tombola 2020 ampellet eo bet aozet an dennadenn d'ar sadorn 10 a viz Here e-kerzh emvod ar c'huzul merañ. Daoust d'an enkadenn...

Galv da vanifestiñ evit skol Diwan Sant-Ervlan

E miz Gwengolo 2016 e oa bet digoret skol Diwan Sant-Ervlan gant 16 skoliad er skol-vamm. 41 skoliad zo bremañ er skol hag en o zouez...

Kenavo Anna-Vari !

Leuskel a ra Anna-Vari Chapalain he flas evit mont war he leve goude 20 vloavezh e renerezh ar rouedad Diwan. Distroomp war ur red...

An holl bennadoù war an tem-mañ