Dilennadegoù-kêr 2026

Lire cet article en français

Da geñver an dilennadegoù-kêr en deus Kevread Diwan embannet ur c’houlennaoueg diwar-benn ar c’helenn dre soubidigezh e brezhoneg ha diwar-benn plas ar yezh er politikerezh-kêr. Kinniget eo bet d’an holl listennoù war ar renk war-bouez re an tu dehoù pellañ.

Ar pal a oa dastum engouestloù resis a c’haller gwiriañ hag a glot gant tachennoù plediñ ar c’humunioù hag an etrekumunelezhiioù, peurgetket.

Gallout a ra an dilennerien mont war lec’hienn internet Diwan evit kaout elfennoù devoudel a-raok votiñ.

Kas a ra soñj Kevread Diwan d’an holl eo liammet e ziorren gant divizoù lec’hel evit un darn hag eo dazont ar brezhoneg afer an holl.

Evit klozañ e embann Kevread Diwan c’hoazh n’eo ket e zalc’h strollad ebet, na prederouriel, na kredennel, na politikel na sindikadel h.a, ha kement-se diouzh e garta embannet e 1977.