Darempred

Degemer > Bezañ tad pe vamm ur skoliad·ez > Piv 'zo piv ? Piv 'ra petra ? > Ar c'huzul skoazell
Tro__Menez_Are_Lokmelar_2018_Tro__Menez_Are_Lokmelar_2018

Ar c’huzulioù skoazell, kalon hor buhez kevredigezhel

Lire cet article en français

Ur wech e oa, ur c’huzul skoazell. Ha da-heul ur skol Diwan. Hag e skoazellas ar c’huzul skoazell ar skol da vont en-dro. Hag an hevelep istor un eil gwech, hag un trede gwech, hag ur pevare hini… Hiziv an deiz ez eus degadoù a guzulioù skoazell. Ret int evit mad kement skol, skolaj pe lise ha kalon hor buhez kevredigezhel ha sevenadurel int.

Digor d’an holl eo ar c’huzulioù skoazell, kalon hor buhez kevredigezhel ha sevenadurel : kerent ar vugale, kerent bet, skolidi gozh, mignoned ar brezhoneg, tud diavaez…  

A-drugarez d’o labour e c’hellomp arc’hantaouiñ gwelloc’h hor skolioù ha treuzkas ar brezhoneg.

A bep seurt darvoudoù sevenadurel a vez aozet ganto (festoù-noz, sonadegoù, prezegennoù...), pe c'hoazh foar al laou, baleadennoù, darvoudoù sport, gwerzhañ dafar (deiziadurioù pe produioù all) ; dalc'het e vez standoù ganto, dastumet avaloù d’ober jug pe sistr…

> Kelaouadenn France3 Hirwazh diwar-benn ar Randorade e Brest

> « L'indispensable soutien du skoazell de Saint-Pol-de-Léon », pennad gant Le Télégramme

Kevredigezhioù int, hag ezel eus rouedad Diwan.

Izili ar c’huzul skoazell a gemer perzh e buhez ar gevredigezh deskadurezh pobl (KDP) a-wechoù.

Gant kement a oberiantizoù e luskont buhez kevredigezhel ha sevenadurel o c’humun, a-dra-sur.

Gerioù-alc'hwez stag : buhez ar gevredigezh    arc'hant   

Skignañ ar pennad-mañ

Lenn ivez

Taol-grenn "Penaos gwareziñ ar c'helenn dre soubidigezh ?"

Un daol-grenn digor d'an holl a vo aozet disadorn (16/03 - 9e15-12e) e Sal an Astrolab (straed Vincent Jezekel, Ar Releg-Kerhuon) da...

Ur c'houskva nevez evit skolaj Diwan Kemper !

D'ar Yaou 15 a viz C'hwevrer 'oa bet votet gant kuzul kumuniezh Kemper Breizh izel (a unvouezh !) evit reiñ savadur Ti ar Brug (EHPAD...

Digoradur un hentenn AEPA e Lise Diwan Karaez e miz Gwengolo 2024

Bak micherel Buheziñ evit ar vugale hag an dud kozh (BP AEPA). Stummadur 3 bloaz.

An holl bennadoù war an tem-mañ