Labourat e Diwan

Abaoe digoradur ar skol gentañ e 1977 ez eus bet krouet kalz a implijoù e brezhoneg gant Diwan. E 2018-2019 ez eus war-dro 640 den a labour evit Diwan e pemp departamant Breizh. Setu amañ dindan ar micherioù kinniget gant ar rouedad :

• Kelenner·ez ar skolioù (statud Diwan pe Deskadurezh Stad)

• Kelenner·ez en eil derez (skolajoù ha liseoù)

• Skoazeller·ez v·mamm

• Den e karg eus ar c’hempenn

• Kasour·ez en eil derez

• Evezhier·ez en eil derez

• Koskor evit mererezh an eil derez hag ar servijoù (kontouriezh, sekretouriezh…)

• …

Dre ma ‘z eo ar brezhoneg kenkoulz yezh kelenn ha yezh buheziñ ar skolioù e vez goulennet gant ar re a lak o anv mestroniañ ar brezhoneg. Evit ar re az a war-zu micherioù ar c’helenn divyezhek brezhoneg-galleg er c’hentañ pe eil derez ha n’int ket barrek a-walc’h war ar yezh e vez kinniget gant kreizenn stummañ Kelenn ur stummadur yezh « Mestroniañ ar brezhoneg evel yezh micherioù ar c’helenn ».