Bak micherel BBTK
Un emvod kelaouiñ hag un devezh dizoleiñ !
04/12/2025
Aozet e vo gant Lise Diwan Karaez daou darvoud evit kinnig deoc'h ar Bak micherel BBTK (Buheziñ Bugale ha Tud Kozh) :
Emvod kelaouiñ war an hentad bak micher BBTK
Merc’her 7 a viz Genver 2026 da 6e30 g.m. (dre vizio)
- Kinnig an hentad : programm, implij-amzer, skipailh, stajoù, labour-noz, raktresoù…
- Live brezhoneg rekis
- Ha goude ar bak ?
- Buhez e lise Diwan Karaez
- Goulennoù
Goulenn ul liamm evit ar vizio : katell.chantreau@diwan.bzh
Devezh dizoloiñ ar bak micher BBTK e Lise Diwan Karaez
D'al Lun 26 a viz Genver 2026 e vo pedet ar skolidi divyezhek 3de ha 4re klas dedennet gant ar buheziñ da zont da Lise Diwan Karaez da dremen un devezh gant an eilveidi BBTK.
War ar roll : 3e kelenn micherel, 3e kelenn hollek, ha prantadoù eskemm frank.
Pred profet da greisteiz. 10 plas.
Enskrivadur dre ret a-raok ar 16 a viz Genver 2026.
Titouroù hag enskrivadurioù : katell.chantreau@diwan.bzh
Met petra an diaoul eo BBTK ? Anv an hentad nevez digoret e Lise Diwan Karaez e miz Gwengolo 2024 : Bak micherel Buheziñ Bugaleaj ha Tud Kozh. Maïna, Loeïza, Tippi, Zia, Jack, ha Zia : 6 skoliad eilvet a zo en em lañset en avañtur-se, asambles gant 8 kelenner.ez.
E-pad 3 bloaz e vo heuliet kentelioù hollek gante (brezhoneg, galleg, istor douaroniezh, ekonomiezh, sport, saozneg, arzoù ha matematikoù) met ivez kentelioù micherel evit deskiñ ar vicher buhezour.ez. 14 eurvezh da bep rann, hollek ha micherel. Evit a sell ouzh ar rann vicherel e vez ur meskaj etre kentelioù teorik (metodologiezh ar sevel raktresoù, anaoudegezh er vugale, gwir al labour…), stalioù dizoleiñ teknikoù buheziñ (labour-dorn, c’hoarioù, kanaouennoù), 6 sizhunvezh staj gant bugale, ha raktresoù buheziñ (sevel ur stal margodennoù evit bugale skol Diwan Karaez da skouer, peotramant aozañ c’hoarioù evit degemer an dredeidi el lise).
Ur c’hlasad kentañ BBTK zo bet digoret evit ar bloavezh-skol 2025-2026.
