Penaos ez a Diwan Sant-Brieg en-dro ?

Div gevredigezh zo en-dro d'ar skol :

• Kevredigezh an deskadurezh pobl
• Ar Skoazell

Digor eo ar c'hevredigezhioù-se d'an holl (tadoù ha mammoù a-youl vat, pe mignoned). Aozet int evel-henn :

• ur prezidant pe ur brezidantez,
• un teñzorer pe un deñzorerez,
• ur sekretour pe ur sekretourez,
• hag o skoazellerien/skoazellerezed.

En em vodañ a ra kuzul-merañ pep kevredigezh war-dro ur wech bep miz. An emvodoù-meur a vez ur wech bep bloaz. Kemerit perzh en hini pe hini eus ar c'hevredigezhioù, digor eo an emvodoù d'an holl ! Talvoudus e vo ho parregezhioù, n'eus forzh pere e vefent ! Deuit da gemer perzh en abadennoù aozet gant ar Skoazell. Un digarez e vo d'ober anaoudegezh ha da gaout plijadur asambles !

Kevredigezh an deskadurezh pobl

Petra a ra Kevredigezh an deskadurezh pobl ?

• Merañ an dud a labour er skol ha n'int ket kelennerien (diwallerezh, kempenn…).
• Kelaouiñ ar familhoù diwar-benn buhez kevredigezhioù ar skol.
• Ober evit ar skol en diabarzh, en darempredoù gant an tier-kêr hag ar melestradurezhioù (URSSAF, yaouankiz ha sportoù…).
• Aozañ an diwallerezh.
• Merañ an arc'hant dastumet (frejoù pedagogel, roadoù, skoaziadennoù, skodennoù-skol ar c'humunioù, arc'hant gounezet gant ar skoazell, ha kement zo…).
• Arc'hantiñ obererezhioù ar skol.
• Aozañ an norioù digor (bodad an diorren).

Kas ur postel : aepdiwansb@gmail.com

Ar Skoazell

Petra a ra ar Skoazell ?

• Brudañ a ra ar skol Diwan hag ar brezhoneg.
• Aozañ a ra pe kemer a ra perzh en abadennoù sokiokulturel : fest-noz, Redadeg…
• Dastum a ra an arc'hant a zo ezhomm evit ma'z afe en-dro ar skol ha Diwan Breizh.
• Degas a ra arc'hant d'an AEP.
• Gwerzhañ a ra levrioù, c'hoarioù, CDoù e brezhoneg.

Kas ur postel : skoazelldiwansb@gmail.com