Webinarioù Kehentiñ

An 3 webinar digoust-mañ a zo bet soñjet evit an dud e karg eus ar c’hehentiñ (tud a vicher pe tud a-youl vat) pe c'hoazh renerien·ezed an tiez-skol. 

Padelezh : 45 munutenn dre webinar (1e gant goulennoù/respontoù)

Doare : enlinenn – liamm kaset goude an enskrivadur

Laouen e vefemp o kontañ ac’hanoc’h e-touez ar berzhidi !

• Webinar 1añ : 16/12/2024 - Dorioù digor

Dizoloit an doareoù gwellañ da aozañ ha da vrudañ ho torioù digor. Deus ar prientiñ (lojistik) d’ar c’hehentiñ evit ar familhoù e c’hellimp dre ar webinar-mañ heñchañ ac’hanoc’h ha respont d’ho koulennoù. Traoù da c’houzout pe da anavezout a vo kavet er webinar-mañ ivez.

• Eil webinar : 13/01/2026 - Pajenn ho ti-skol

Ul lec’hienn nevesaet a zo mil a-bouez evit skeudenn Diwan hag ho skol. Diskouez a ra ur skeudenn vev ha sikour a raio da reiñ c’hoant ha da lakaat da anavezout Diwan hag ho ti skol. Diskouez a raimp deoc’h penaos nevesaat pajenn ho skol/skolaj/lise war diwan.bzh. Reiñ a raimp titouroù pleustrek hag ostilhoù deoc’h evit bezañ lakaet war-wel war ar rouedad.

• 3de webinar : 16/06/2026 - Canva skipailh

Canva a zo un ostilh mil anavezet bremañ gant kalzig a dud evit krouiñ skorioù kehentiñ aes ha buan. Er webinar-mañ e vo diskouezhet deoc’h penaos ober gant Canva skipailh : rannañ patromoù, aozañ an teuliadoù, doujañ d’ar garta c’hrafek ha reiñ diskoulmoù deoc’h evit gounit amzer. Gant un nebeud klikoù, krouit skeudennoù a vicher hag a glot gant identelezh  c’hrafek Diwan hag ho skol.