Skol Diwan Orvez he deus ezhomm ac'hanoc'h !

Demat deoc'h holl !
 
Goude ur prantad labour efedus e miz Gouere ez adkrogimp ganti eus ar 25 d'an 31 a viz Eost... hag ezhomm hon eus sikour !
 
Evel ar wech all, pep hini e c'hell kemer perzh diouzh e/he v/barregezhioù. Daoust ma n'ho peus ket skiant-prenet e vioc'h degemeret mat hag e ambrougimp ac'hanoc'h gant plijadur !
 
Setu al listennad eus an traoù a chom d'ober evit ar sizhunvezh labour nevez-se :

• Naetaat ar vogerig mein
• Pozañ ar pavezioù (dindan ar bratell)
• Lakaat hentoù-houarn evit ar plako / difuiñ
• Lakaat ar plako
• Ober bandennoù evit ar plako
• Lakaat ar c'harrelladur (kegin ha privezioù)
• Naetaat gant ur c'harcher : diavaez an ti-skol hag ar pavezioù dindan ar bratell
• Livaj er c'hlasoù
• Prientiñ ar predoù evit an dud a-youl vat

Dreist eo an aergelc'h atav, desket e vez ur bern traoù ha gant ho sikour ez aio war-raok ar raktres !
 
Ma'z oc'h dibres, kasit ur SMS deomp d’an niverenn-se 07 83 85 98 33 evit hor c'helaouiñ eus ho mareoù dibres hag evit lavar deomp piv oc’h ha petra a c’hellfec’h ober

Trugarez vras !
Skipailh skol Diwan Orvez