Darempred

Degemer > Skodenn-ar-chumuniou-evit-ar-chelenn-divyezhek-zo-bet-lakaet-e-pleustr-da-vare-an-distro-skol-2019
skol-diwan-gwengamp__RLP9154

Skodenn ar c’humunioù evit ar c’helenn divyezhek zo bet lakaet e pleustr da vare an distro-skol 2019

05/11/2019

Lire l'article en français

Al lezenn « evit skol ar fiziañs » a zo bet embannet d’ar 26 a viz Gouere. E-touez diarbennoù nevez ez eus ur pennad a c’hello sikour ar skolioù evit ma vint arc’hantaouet gant skodenn skol ar c’humunioù.

Gant al lezenn « evit skol ar fiziañs  », e vez graet lezenn Blanquer anezhi, ez eus bet votet un diarbenn nevez a sell ouzh skodenn  skol ar skolioù Diwan. An diarbenn-mañ zo bet lakaet e pleustr da vare an distro-skol 2019 ; n’eus ket ezhomm da embann dekredoù arverañ peogwir emañ resis a-walc’h al lezenn. Hiviziken e vo roet skodenn skol ar c’humunioù “diouzh un emglev” etre kumun ar skolidi hag ar skol a zo ur c’helenn divyezhek enni (gant ma ne vo skol divyezhek ebet e kumun ar skolidi). Ma ne vez kavet emglev ebet e vo bodet gant dileuriad ar Stad, maer kumun ar skolidi hag un den e-karg eus ar skol evit ma vo kavet un diskoulm “evit mad ar vugale skoliataet”.

Eus kalz a gumunioù e teu skolidi Diwan : un dachenn etrekumuniel eo hini ar skolioù Diwan. E-pad pell ez eus bet meret ul lodenn eus kargoù ar skolioù gant kumunioù a zo ur skol divyezhek enno ha kumunioù annez ar skolidi ne roent ket o lod. E 2015 oa bet votet ul lezenn evit aesaat paeamant skodenn skol ar c’humunioù evit skolidi eus an hentenn bublik divyezhek.

Gant an diarbenn nevez votet e 2019 e vo gellet arc’hantaouiñ ha derc’hel padus implijidi nann-gelennerien ar skolioù lakaet en arvar gant fin ar c’hevratoù sikouret e 2017. Dre ma eo start lakaat e pleustr an traoù e oa bet bodet tud e-karg eus ar skolioù e-kerzh miz Mezheven evit kemer perzh en un stal-labour stummadur aozet gant Diwan. Stalioù-labour all zo raktreset da-geñver kuzul ar skolioù, skolajoù ha lise met ivez da-geñver an devezh Eskemm (stummadur tud a youl vat) e miz Du.

Adalek miz Here eo bet kroget gant ar skolioù an difraeoù war-zu ar c’humunioù evit ar skodenn skol. Er memes koulz e vez heuliet an teuliad gant prezidantez ha renerez ar rouedad asambles gant servijoù ar Stad ha kuzul rannvro Breizh.

Evit gouzout hiroc’h war al lezenn-mañ e c’hellit :

  • pellgargañ notenn displegañ Diwan (diell da bellgargañ amañ dindan)
  • mont da welet pennad kelaouenn Kevredigezh maered Frañs e miz Here 2019 : “ Les principales dispositions de la loi pour une école de la confiance - Instruction obligatoire à 3 ans, instruction à domicile, jardins d’enfants, école inclusive, langues régionales..., retour sur les mesures de la loi du 26 juillet 2019.” (evit an dud koumanantet nemetken)
  • implij an diviz-skouer, diazezet war gumun Langedig (Mor-Bihan, 14 a viz Kerzu 2020)
  • mont e darempred ganeomp dre vail

Dielloù

Gerioù-alc'hwez stag : arc'hant    skodenn ar c'humunioù   

Skignañ ar pennad-mañ

Lenn ivez

Vakañsoù mat d'an holl !

Echu eo gant ar bloavezh er skolioù Diwan hag emañ ar skipailhoù o prientiñ an distro-skol 2022-2023.

Vivre les langues pour s’épanouir

Langage, individuation, épanouissement

Disoc'hoù tombola Diwan 2022

An tombola Diwan 2022 'zo bet tennet d'ar sort e-kerzh kuzul merañ an 11 a viz Even. 80 000 tiked zo bet gwerzhet ! Deuet eo brav...

Ur c’houlennaoueg d’an dud war ar renk evit an dilennadegoù : disoc’hoù a-raok an dro gentañ

Evel m’en doa graet da geñver ar c’houlzad prezidantelezh en deus kaset ar strollad evit ma vevo hor yezhoù ur c’houlennaoueg...

An holl bennadoù war an tem-mañ