Disoc'hoù an enklask sokioyezhoniel : mallus eo harpañ ar c’helenn dre soubidigezh e brezhoneg

Pa weler disoc’hoù nec’hus enklask sokioyezhel diwezhañ sevenet gant an ensavadur TMO diwar c’houlenn Rannvro Breizh e embann ar gevredigezh Diwan en-dro pegen mallus eo kreñvaat ar c’helenn dre soubidigezh e brezhoneg, diazez pouezus treuzkas ar yezh.

Lakaet e vez war-wel gant ar studiadenn-mañ breskter treuzkas ar brezhoneg ha kadarnaet war un dro interest war gresk ar familhoù evit un deskadurezh divyezhek. Kement-mañ a ziskouez pegen pouezus eo d’ar skolioù divyezhek kaout muioc’h a skoazell  ha kaout ur politikerezh publik  uhelek evit diorren ar brezhoneg.

Abaoe 48 vloaz e labour Diwan evit kinnig ur c’helenn digoust, laik, dre soubidigezh e brezhoneg ha digor d’an holl. A-drugarez da emouestl tud a-vicher, re a-youl vat, re dost o c’halon ouzh Diwan hag ar familhoù e ro ar rouedad Diwan e lod hardizh evit ma vo buhezek ar yezh hag o warantiñ un treuzkas leun a startijenn eus ar yezh.

Danvez ouzhpenn a ranker kaout avat evit bastañ d’an ezhommoù o kreskiñ ha gwarantiñ dazont kelenn ar brezhoneg. Goulenn-groñs a ra Diwan eta ouzh ar galloudoù publik souten muioc’h c’hoazh ar skolioù dre soubidigezh o warantiñ ur framm lezennel a zere ha stabil hag o tigeriñ frank an hent war-zu ar c’helenn-mañ evit an holl familhoù.