Darempred

Degemer > Pour-la-correction-des-copies-de-bac-et-de-brevet-redigees-en-breton
Skolajidi_Plijidi_Breved_e_brezhoneg_2018

Evit difaziañ kopiennoù ar bak hag ar brevet skrivet e brezhoneg

Arnodennoù

03/07/2018

Pa emañ 15 lisead ha 60 skolajiad o c’houlenn, gant arguzennoù, e vefe difaziet o kopiennoù matematik skrivet e brezhoneg, gant doareoù reizh, e galv Diwan e dapfe pep hini e kiriegezhioù. Peseurt soñj a vez kaset gant ar Republik d’he yaouankizoù pa vez difennet dezhe implij ar brezhoneg ?

Pa emañ 15 lisead o c’houlenn, gant arguzennoù, e vefe difaziet o kopiennoù matematik skrivet e brezhoneg, gant doareoù reizh,

Pa eo bet divizet gant ouzhpenn 60 skolajiad implij ar brezhoneg evit an arnodenn skiantoù ha teknologiezh,

Pa vez kontet trawalc’h a difazierien barrek en akademiezh Roazhoon evit difaziañ ar c’hopiennoù-se,

Pa emañ ar c’helennerien-se distag ouzh Diwan,

Pa vez desket eo bet kaset gant ar rektordi un enseller d’ur greizenn difaziañ e Brest evit impich e vefent difaziet ar c’hopiennoù savet e brezhoneg,

Diwan a zegas da soñj :

-       lezenn an 8 a viz Eost 2013 a lâr « peogwir eo ar yezhoù ha sevenadur rannvro perzh eus glad Frañs, eo harpet o kelenn e penn kentañ ar rannvroioù lec’h emaint implijet,

-       skrivet eo e Kod an deskadurezh « yezh ar c’helenn, an arnodennoù ha kenstrivadegoù, hag an tezennoù ha memorioù er skolioù publik ha prevez , a zo ar galleg. Nemet e vefe abeget ha diazezet war  : 1° Ar redioù degaset gant kelenn ar yezhoù ha sevenadurioù rannvro pe estren ; (…) » (L 121-3), 

-       a-baoe 2008 e vez menneget er Vonreizh« perzh eus glad Frañs emañ ar yezhoù rannvro ».

Diskuliañ a ra Diwan :

-       diviz rektorezh akademiezh Roazhon d’en em aozañ evit difenn e vefent difaziet ar c’hopiennoù e brezhoneg en arnodennoù bachelouriezh ha breved,

-       diwar-benn ar vachelouriezh, a-baoe daou vloaz hanter, ar respontoù-nac’h sistematek, diazezet war arguzennoù faos (diouer a gelennerien, geriaoueg matematik « ket stabil » e klas termen… met degemerabl en trede klas !)

-       emzalc’h melestradur an Deskadurezh Stad a ra van eus spered al lezennoù er c’helc’hlizher embannet an 12 a viz Ebrel 2017 : en destenn-mañ ne vez ket aotret zoken da skrivañ e brezhoneg evit an arnodenn istor ha geografiezh er bak, zoken ma vefe graet a-baoe ouzhpenn ugent vloaz. Ur bazenn war gil eo ar c’helc’hlizher-mañ peogwir ne gemer ket e kont an arnodenn skiantoù ha teknologiezh er breved.

Goulenn a ra Diwan :

-       e vefent priziet kopiennoù al liseidi hag ar skolajidi hervez ar memes kriterioù hag an emstriverien all, vefe aozet o skrid e galleg, en euskareg pe e brezhoneg,

-       e vefe dalc’het soñj gant ministr an Deskadurezh Stad, Jean-Michel Blanquer, eus e diskleriadennoù er Breujoù d’an 29 a viz Meurzh 2018 : « Ur sell mat hon eus me hag ar gouarnamant davet ar yezhoù rannvroel. Prosezet on bet goude ma frazenn « Ur yezh, ur yezhadur, ur Republik », met, fier on da ziskleriañ eo ar galleg, enskrivet er Vonreizh, an dra pouezusañ din, ne ya ket a-enep ur politikerezh digor-tre da geñver ar yezhoù rannvroel a zo menneget, war abegoù mat, er Vonreizh. Posubl eo lâret « ar galleg ha war ar memes koulz ar yezhoù rannvroel ». Labourat e reomp neuze gant ar rouedadoù gant ur spered madelezh. Klevout a ran lod o c’houlenn muioc’h a emglev e pleustradegoù ar rektordiez da-geñver ar rouedadoù o tifenn ar yezhoù rannvro, ha digor tre on war ar goulenn-mañ. » 

-       e vefe dalc’het e emouestl da ambroug ar rouedadoù kelenn, diskleriet gant prezidant ar Republik e Kemper d’an 22 a viz Even. 

Gervel a ra Diwan e dapfe pep hini e kiriegezhioù. An 3 a viz Gouere eo an deiz-mañ. Peseurt soñj a vez kaset gant ar Republik d’he yaouankizoù pa vez difennet dezhe implij ar brezhoneg ? 

Gerioù-alc'hwez stag : bak e brezhoneg    bachelouriezh    breved    brezhoneg    Deskadurezh Stad   

Skignañ ar pennad-mañ

Lenn ivez

Ar vakañsoù benn ar fin !

Setu echu ar skol ! Vakañsoù deuet mat evit an holl goude ur bloavezh ispisial-tre, ar pezh n’en deus ket miret ouzh izili Diwan...

Ur skolaj Diwan en Il-ha-Gwilen en dazont

Ne vo ket digoret ur skolaj Diwan en Il-ha-Gwilen e miz Gwengolo 2020 evel raktreset. Koulskoude e kendalc'ho Diwan hag an Departamant...

Ensavadurioù foran : diouer a vrezhoneg da vare ar c'hleñved red

Kevre Breizh, skourr Breizh Elen (European Language Equality Network), en deus savet un danevell evit Kuzul Europa war ar gwall ziforc’h...

Distro war ar bloavezh-skol e Skol Diwan Louaneg

Newsletter mai 2020, nouvelle équipe, nouveau préau, Kan ar Bobl, confinement

An holl bennadoù war an tem-mañ