Skoazeller-ez skol Diwan Landreger

Deskrivadur ar post-labour

Klask a ra skol Diwan Landreger, un eil skoazeller.ez, evit ur c'hevrat labour didermen.

Un ASEM a zo dija hag ezhomm zo da gaout un eil den da greñvaat ar skipailh ha da gemer perzh e diorroadur ar skol.

Hor skol : 

• Krouet eo bet bloaz zo, e miz Gwengolo 2025.
• Evit ar poent zo bugale skol-vamm ha CP.
• Ur skol vihan eo, kevredigezhel, laik, digoust ha digor d'an holl.
• Deskiñ dre soubidigezh e brezhoneg a vez graet, er c’hlas hag en diavaez

Petra ho po d‘ober ?

• Labourat asambles gant ar skolaerez hag ar skoazellerez all evit kemer perzh e buhez pemdeziek ar skol.
• Buheziñ ha pedagogiezh : sevel ha kas atalieroù pedagogel da benn, ha sikour ar skolidi da zeskiñ.
• Da greizteiz : sikour ar vugale da zebriñ ha bezañ war evezh e-pad ar c'housk-aes.
• Ober war-dro ar vugale, ha sikour anezho da vezañ emrenoc'h emrenañ : degemer ar vugale, sikour anezho da cheñch dilhad, ober war-dro o yec'hed, naetaat anezho ha teurel evezh ouzh o surentez.
• Naetaat ha kempenn : ar savadurioù, ar salioù hag an dafar pedagogel.

Skiant-prenet ha barregezhioù goulennet

• Barregezhioù yezh : Komz a rit brezhoneg fraezh, evit doujañ da raktres ar
  skolioù Diwan.

• Skiant-prenet : Labouret ho peus bet gant bugale er skolioù, er c'hreizennoù-
  dudi. Ur CAP (Accompagnement Éducatif Petite Enfance (AEPE) a vefe ur perzh mat.
  Perzhioù ret : Oberiantiz, pasianted, madelezh ha bezañ gouest da selaou mat.

• Plijout a ra deoc'h labourat a-stroll ha kemer perzh e raktres ar skolioù Diwan.

Dibarzhioù ar post

Seurt kevrat : CDI (kevrat labour didermen).
Amzer labour : 24 eurvezh ar sizhun, e-pad sizhunvezhioù ar skol hepken.
Aozadur an amzer labour : Da vezañ divizet asambles.
Deiziad kregiñ : Ar buanañ ar gwellañ.
Lec'h labour : Landreger (22).
Gopr : Gopr diazez SMIC ledanet war ar bloavezh : Ar gopr a vo ingalet ha paeet bep miz eus ar bloaz, zoken e-pad ar vakañsoù.

Evit gouzout hiroc'h/ kinnig ho respont

Kasit ho CV hag ul lizher bihan hag a zispleg ho tivizoù dre bostel da : aep.landreger@diwan.bzh
Gallout a rit ivez mont e darempred ganeomp dre bellgomz war an niverenn 06 31 29 72 75.