Sekretour·ez divyezhek ar velestradurezh-lise G/M

Deskrivadur ar post-labour

Emañ rouedad Diwan o klask sekretour·ez divyezhek ar velestradurezh-lise (G/M) evit Lise Diwan Karaez.

Dindan atebegezh renerezh an ti skol e kenlabouroc’h gant holl izili skipailh ar lise : renerezh, buhez skol, skipailh kempenn, kelennerien, dilennidi Kuzul merañ al lise. Fiziet e vo ennoc’h kefridioù liesseurt.

Goulennet e vo ganeoc’h ober war dro :

• Sekretourva boutin

Degemer an dud war-eeun ha dre bellgomz ha kas anezho e darempred gant an dud dave.
Degemer ha treuzkas al lizhiri.
Degemer ha treuzkas ar mailoù.

• Sekretourva pedagogel

Ebarzhiañ an holl ditouroù a bouez evit ar familhoù, merañ an teuliadoù enskrivañ, kas anezho d’ar familhoù hag ober war dro enrolladur ar skolajidi en diazezoù akademikel. Dreist-holl e barzh SIECLE (Système d’Information pour les Elèves en Collèges et Lycée pour les Etablissements) a zo un diazez pouezus tre evit skoliadur al liseidi.
Daremprediñ gant ar rektordi diouzh an ezhommoù : teuliadoù kelennerien, enskrivadurioù d’an arnodennoù, beajoù...
Sevel pe prientiñ a bep seurt teuliadoù a sell an ti skol hag e vont en dro, da skouer (listenn diglok) : raktres niver a vugale, yalc’hadoù, treziad diavez (forfait d’externat), steuñv an emgavioù pedagogel.
Kenlabourat a dost gant kontouriezh an ti skol evit a sell fakturenniñ ar familhoù ha merañ ar bourchaserien.

• Kehentiñ

Sevel teulioù kehentiñ diabarzh/diavez a bep seurt : mail titouriñ (familhoù, kelennerien) pedadennoù, adgalv, sevel rentaoù kont
Bezañ perzh en aozañ a bep seurt darvoudoù a sell buhez an ti skol : devezhioù dizoloiñ al Lise, an dorioù digor, devezhioù degemer evit skolajidi, hag all.

Titouroù all

Deiziad enfredañ : an abretañ ar gwellañ
Doare kevrat : CDI
Padelezh amzer labour : 35e/siz bloazieket
Gopr : diouzh ar skiant prenet
Lec’h labour : Lise Diwan Karaez – Kerampuilh 29270 KARAEZ

Ma z'och dedennet gant ar post, kit war lec’hienn Diwan, ivinell « Dibab Diwan » -> « Labourat e Diwan » ha laoskit hoc’h emstrivadur (CV+Lizher en em ginnig) pe kasit hoc’h emstrivadur da tuta@diwan.bzh

Skiant-prenet ha barregezhioù goulennet

Un diplom war ar sekretourva mui 2 pe 3 bloavezh skiant prenet war an danvez a vo ret kaout evit derc’hel ar post-mañ.

Evit ar post-mañ eo ret bezañ evezhiek, emren-tre, gouest d’en em azasaat ha bezañ aes gant an dud.

Ret e vo deoc’h mestroniañ ar poelladoù-mañ : word, excel, publisher, google workspace.
Bez ho po da implijout ivez poelladoù all a sell merañ an ti skol (Pronote, poelladoù akademiezh). Bez e rankoc’h eta bezañ en ho aes gant an urzhiataerezh.

Evel just eo ret deoc’h mestroniañ ar brezhoneg kenkoulz dre skrid ha dre gomz evit bezañ dibabet, live B2 (DBY) d’an nebeutañ.