Galv d’ar c’hoñkurañs - Labourioù bras e Skolaj Diwan ar Releg
12/06/2026
Labourioù bras e Skolaj Diwan ar Releg (29) - Galv d’ar c’hoñkurañs
Abaoe 2025 emañ meret savadur Skolaj brasañ kevredad Diwan gant ur gevredigezh savet a-ratozh-kaer : TI KERHOR. Ur feurm amfiteotek hir bad a 30 vloaz a zo bet sinet. Kement all en deus debloket raktres nevesaat ar skolaj. Labourioù surentez war an tan ’zo bet kaset e 2025, hag aze e krogo labourioù bras evit astenn hag adsevel penn-da-benn kegin ha sal-debriñ ar skolaj. Ouzhpennet e vo 100m² d’ar skolaj. Gellet a radio 130 kennard debriñ asambles, div wech brasoc’h e vo ar gegin ha daougementet e vo sal ar c’hlañvidi. Ar raktres a zo arc’hantaouet gant Departamant Penn ar Bed, ar font debarzhadur Roc’h Diwan ha gant Skolarn : kuzul skoazell ar skolaj.
Ur pezh chanter eo, 13 lodenn zo d’ar marc’had. Gervel a ra Diwan e holl skolidi gozh o defe stalioù da sevel ti pe embregerezhioù e bed ar chanterioù, peotramant penn embregerezhioù prest da sikour ar brezhoneg en ur ginnig prizioù dereat en ur respont d’ar galv-kinnigoù amañ.
Gellet a ra Diwan degemer mesenerezh e stumm micherel, ha moaien zo talvoudekaat neuze ar profoù e stumm labour-dorn. 60% eus sammad ar prof a vo tu digreskiñ eus tailhoù an embregerezh. Gouzout hiroc’h amañ.
Respontit war unan pe meur a lodenn eus ar galv-kinnig : Turiañ an douar – rouedadoù - terkañ an diavez ; diskar mogerioù - mañsonerezh; Kalvezerezh - bardaj koad; toiñ ; prenistri diavez ha diabarzh ; Speurennoù isothermes ; speurennoù sec’h ha difuiñ; solier ; leur ha kareladur: livaj ; tredanerezh ; tommerezh – puraat an aer – plomerezh ha privezioù.
Na chomit ket etre daou : harpit Diwan dre al labourioù ivez.
