ASEM (Plougerne)

Deskrivadur ar post-labour

Emañ AEP DIWAN PLOUGERNE o tuta ur skoazeller.ez skol-vamm evit distro-skol 2025-2026
Ur gevrat PEC hini eo. Post da vezañ pourvezet adalek ar c’hentañ a viz Gwengolo evit daouzek miz (21,5e /sizhun ingalet war ar bloavezh). Pe ur gevrat termenet he fad a c'hell bezañ.

KEFRIDI :
Ar skoazeller.ez a raio war-dro ur c’hlasad lies-liveoù skol-vamm dindan aotrouniezh ar skolaerez :
    • Skoazell ar skolaerez evit degemer, ambroug ha diwall ouzh surentez ar skolidi
    • Prientiñ pe/ha buheziñ stalioù-labour
    • Ober war-dro ar skolidi ha buheziñ ehan kreisteiz
    • Ober war-dro hag ambroug ar skolidi e-kerzh ar pred er c’hantin
    • Buheziñ an amzerioù diavaez skol (diwallerezh) en un doare emren
    • Prientiñ ha kempenn ar salioù klas hag an dafar

Skiant-prenet ha barregezhioù goulennet

    • Brezhoneg komzet
    • Skiant-prenet  gant ar vugale
    • Bezañ plijet gant ar labour skipailh ha kaout intrudu
    • Anavezout lusk hag ezhommoù ar vugale
    • Barregezhioù war ar buheziñ
    • Perzhioù daremprediñ

Kasit ur CV hag ul lizher emginnig da : aep.plougerne@diwan.bzh