Ar skolioù lakaet war wel
Koulzad brudañ ar skolioù Diwan ha divyezhek
17/05/2021
Abalamour d’ar govid ne oa ket bet tu da aozañ prantadoù dorioù digor er bloaz-mañ er skolioù divyezhek evel e lec’h all. Kenlabouret en deus Diwan gant div yezh, Divaskell, Mignoned ar Brezhoneg, Kevre Breizh, Ofis publik ar Brezhoneg ha Rannvro Breizh evit ur pezh koulzad brudañ nevez da lakaat ar skolioù divyezhek war wel.
Evit ar wech kentañ emañ an tri rouedad skolioù brezhonek dorn-ha-dorn evit brudañ ar brezhoneg er skolioù. Emañ Ofis Publik ar Brezhoneg o vont da skignañ dafar brudañ er c’humunioù e lec’h e vez da nebeutañ ur c’hlasad divyezhek pe ur skol Diwan. Skignañ a raio ivez ar c’hevredigezhioù lec’hel ar gitonioù brudañ, ar skritelloù hag ar plegfollennoù.
Niverell e vo ar brudadeg ivez dre ar rouedadoù sokial hag al lec’hienn ecole.bzh.
