An erminig Helavar, concours d'éloquence

Bamet omp bet er bloaz-mañ c’hoazh gant kalite labour pep hini, pe vefe evit al live brezhoneg, pe danvez an temoù dibabet hag an doare da vezañ war al leurenn.

Prezegennoù diwar-benn an ekologiezh (« Perak gwareziñ hor planedenn ? »), plas ar merc’hed er gevredigezh (« Sevenadur ar gwall », « Ur gwir blas a zo evit ar merc’hed e bed ar skiantoù ? »), an dizingalded (« Dizingalderioù etre ar grennarded war an arzoù ») met ivez ar stourm (« Perak mont da vanifestiñ ?), ar brezhoneg (« Un efed bobelan evit ar brezhoneg »).… 

Ha sujedoù personel ha prederouriel : « Hag-eñ ez eus gwir eürusted ? », « Ar gevier a zo ur gudenn pe ur respont ? », « Perak eo ken diaes lavaret pa ne’z a ket mat ? ».

Ar juri, ar publik hag ar gazetennerien war al lec’h o deus tremenet 3 eurvezh da selaou pizh ouzh al liseidi·adezed a-raok reiñ an disoc’hoù.

Ar juri* en deus graet dibaboù a-unvouezh dre vras hag en un doare dreistordinal er bloaz-mañ ez eus bet roet daou priz kentañ rampo 450€ da Tinaig « E peseurt mod e c’hell ar gavotenn saveteiñ ar bed ? » ha da Sullivan « Perak eo ret deskiñ an helavarded  ? ». 

Un taol-kaer eo bet a-drugarez d’an Aotroù L’Hermine en deus roet arc’hant er bloaz-mañ c’hoazh ! 

*Skipailh ar juri :

• Pascale Chevillard,

• Soaz Plantec-Rousic,

• Sylvain Peron,

• Sterenn Diridolloù,

• Kadvael Jolivet,

• Nolwenn Korbell,

• Gilles Siches,

• Enora Molac.