Darempred

Degemer > Keveler-eo-diwan-gant-ar-choulzad-emojibzh
campagne-emojibzh_16-9-brezhoneg

Keveler eo Diwan gant ar c’houlzad #EmojiBZH !

24/01/2020

Lire cet article en français

Kaoz zo eus #EmojiBZH e pep lec’h ! Ha gant Diwan ivez peogwir omp ezel eus kuzul merañ ar gevredigezh .bzh. Hep tortañ e soutenomp an emoji banniel Breizh ! Estreget ur skeudennig eo an emoji-mañ evidomp, skeudenn Vreizh eo, al levenez eo ! Evel ma lavar Stéphanie Stoll, prezidantez Diwan er video-mañ, skignet gant #EmojiBZH.

Plijet oc’h gant Breizh ? Ni ivez ! Amañ e Diwan e vevomp bemdez gant sevenadur Breizh en hor skolioù, skolajoù ha lise. Netra kaeroc’h eget un emoji banniel Breizh evit hol lec’hiañ pa gomzomp gant tud eus ar bed ! Se zo kaoz e rankomp kregiñ e-barzh betek an 9 a viz C’hwevrer war Twitter ha diskouez hor skoazell evit an ober-mañ ha tapout an emoji Breizh da vat !

 

#EmojiBZH ! Petra eo se ?

Pal ar c’houlzad emoji banniel Breizh eo implij ledan an hashtag #EmojiBZH eus an 13 a viz Genver 2020 d’an 9 a viz C’hwevrer 2020 war twitter. Gant an implij divent-mañ e vo gellet diskouez d’ar c’honsortium Unicode (ensavadur amerikan a zegemer an emojioù nevez) ez eus ur gwir c’houlenn hag un implij ingal eus an emoji banniel Breizh. E-kerzh pevar sizhunvezh, pa vez skrivet an hashtag #EmojiBZH e vo krouet un emoji arnod en un doare emgefreek. Un hashflag eo un hashtag gant ur ger ouzh e heul hag a zegas un emoji en un doare emgefreek. Hag abaoe an 13 a viz Genver ez eus bet tweetet ouzhpenn 200 000 emoji !

 

#EmojiBZH ! Perak ?

Pouezus eo an dalc’h eta ! Ma vez degemeret an emoji Breizh e vo krouet en un doare emgefreek e roll emojioù milionoù a poellgomzerioù er bed a-bezh ! Un disoc’h fetis hag ur gounid a-feson a c’hellfe degas evit brud ha skeudenn hor rannvro.

Gant ar c’houlzad-mañ hag an emoji-mañ ez eus ur gwir ster : gant an emoji e c’hellimp komz aes a-zivout hon identelezh Breizh. Betek an 9 a viz C’hwevrer hon eus eus evit bodañ an holl dud lorc’h enno diskouez o banniel hag an nerzh a c’hellomp krouiñ holl asambles !

Kontañ a ra Diwan warnoc’h eta evit tweetañ ledan #EmojiBZH !

Petra rankit ober bremañ ?

M’ho peus Twitter, implijit ledan an hashtag #EmojiBZH betek an 9 a viz C’hwevrer 2020.

Ma n’emañ ket twitter ganeoc’h c’hoazh :

  • Kit war twitter.com pe bellgargit an arload Twitter eus store ho poellgomzer pe dablezenn,
  • Klikit war “en em enskrivañ”,
  • Krouiñ ho kont e 5 pazenn verr,
  • Tweetit aes gant an hashtag #EmojiBZH

Ma ne fell ket deoc’h en em enskrivañ war Twitter :

Skignañ ar pennad-mañ

Lenn ivez

Vakañsoù mat d'an holl !

Echu eo gant ar bloavezh er skolioù Diwan hag emañ ar skipailhoù o prientiñ an distro-skol 2022-2023.

Vivre les langues pour s’épanouir

Langage, individuation, épanouissement

Disoc'hoù tombola Diwan 2022

An tombola Diwan 2022 'zo bet tennet d'ar sort e-kerzh kuzul merañ an 11 a viz Even. 80 000 tiked zo bet gwerzhet ! Deuet eo brav...

Ur c’houlennaoueg d’an dud war ar renk evit an dilennadegoù : disoc’hoù a-raok an dro gentañ

Evel m’en doa graet da geñver ar c’houlzad prezidantelezh en deus kaset ar strollad evit ma vevo hor yezhoù ur c’houlennaoueg...

An holl bennadoù war an tem-mañ