Darempred

Degemer > Kenemglev-stad-rannvro-disfiz-ar-rektordi-ouzh-kinnigou-ar-rannvro
manifestadeg-13.03.2021-kemper_manif_13_03_christian_gouerou

Kenemglev Stad-Rannvro : Disfiz ar rektordi ouzh kinnigoù ar rannvro

Kemennadenn

07/01/2022

Lire cet article en français

A-raok an dilennadeg rannvro o doa stourmet ar c’hevredigezhioù (Diwan, Div Yezh Breizh, Divaskell Breizh, Kelennomp, Kevre Breizh) evit kas war-raok teul an emglev arbennik war yezhoù Breizh etre ar Stad hag ar Rannvro.

Bodet e oa bet war-dro 5 000 den da-geñver ur vanifestadeg e Kemper d’an 13 a viz Meurzh 2021. Goulennet e oa bet ma vefe sinet un uhelek a genemglev gant ar stad abalamour da skoilhoù Ministrerezh an Deskadurezh Stad.

E miz Here 2021 oa bet kinniget d’ar Stad gant ar Rannvro ur raktres kenemglev uhelek. A-benn ar fin en deus embannet ar Rektordi e lod evit ar c’hinnig-mañ d’an 21 a viz Kerzu o skarzhañ ken eeun ha tra kazi pep tra eus al lodenn gouestlet d’ar c’helenn !

Kement ha respont ganti, e vez kinniget gant ar Rektordi un destenn all a ne glot tamm ebet gant ezhommoù kelenn ar brezhoneg termenet gant al lezenn Molac e miz Ebrel 2021 pe gant ar c’helc’hlizher nevez diwar-benn kelenn ar yezhoù rannvro embannet e miz Kerzu paseet.

Un emvod kelaouiñ a oa bet aozet d’ar 5 a viz Genver gant ar strollad Unanet Evit Ar Brezhoneg da zegas da soñj d’ar rektor ar pezh a zo gortozet gant ar c’henemglev-mañ :

Evit ma vimp klevet e aozomp ur vanifestadeg

D’ar Merc’her 19/01 da 2 eur 30 dirak ar Rekordi

96, straed Antrain e Roazhon

Teuliad kelaouiñ amañ dindan

Dielloù

Skignañ ar pennad-mañ

Lenn ivez

Deiziadur Diwan 2023

Evit brasañ plijadur an holl eo bet savet gant skol Kastellin deiziadur Diwan 2023 hag e c’hellit koumanantiñ diouzhtu hag e-leizh !

Distro-skol 2022 e Diwan : adlañsañ an diorren

Krog eo ar skolidi ha skipailhoù ar skolioù, skolajoù ha liseoù gant un distro-skol nevez, 46vet ar rouedad Diwan. Un distro-skol...

Vakañsoù mat d'an holl !

Echu eo gant ar bloavezh er skolioù Diwan hag emañ ar skipailhoù o prientiñ an distro-skol 2022-2023.

An holl bennadoù war an tem-mañ