Darempred

Degemer > Gweladennit-hor-skoliou-enlinenn
skol-diwan-gwened__RLP5157

Gweladennit hor skolioù enlinenn !

Koulzad 2021

19/03/2021

Lire cet article en français

Bep bloaz e vez aozet dorioù digor ar rouedad Diwan, met abalamour d'ar stad yec'hedel ne c'hellimp ket degemer ar familhoù evel raktreset. Kinnig a reomp deoc'h eta gweladenniñ hor skolioù enlinenn.

E Diwan en em zispak hor skolidi eus ar skol-vamm d’ar c’hlas termen e brezhoneg penn-da-benn : E brezhoneg e vez kelennet an holl zanvezioù hag ouzhpennet e vez ar galleg tamm-ha-tamm. Kevratet gant an Deskadurezh Stad emañ hor c’hlasoù ha stummet eo hor skipailhoù evit kinnig ur c’helenn dre soubidigezh. En hor rouedad e vez skoliatet ouzhpenn 4 000 skoliad e 48 skol, 6 skolaj ha 2 lise.

Ouzhpenn da se, Diwan ez eo 40 vloaz a skiant-prenet hag ur c’helenn a gemer e kont sevenadur Breizh a-vremañ. Se zo kaoz eo hor skolioù pouezus-kenañ evit treuzkas ar brezhoneg d’ar rummadoù nevez.

Tad pe vamm oc’h ha ne gomzit ket brezhoneg ? Evel 80% eus ar familhoù o deus bugale skoliatet e Diwan oc’h eta !  Gant hor c’helenn e c’hell ar skolidi bezañ gwir gomzerien, kenkoulz e brezhoneg hag e galleg. Evit gwir, a-galite eo hon hentenn bedagogiezh, ‘pezh a zo diskouezet gant hon disoc’hoù : 100% eus an termenidi o deus tapet ar vachelouriezh ha 98,5% eus an dredeidi o deus tapet ar breved e miz Even 2020.

Evel-just, evel en holl skolioù e vez doujet d’ar protokol yec’hedel gant ar skolioù Diwan evit degemer ar skolidi en un doare sur e-kerzh ar c’hleñved-red-mañ.

Ac’hanta, plijet gant se ! Karout a rafec’h gouzout hiroc’h war ar c’helenn dre soubidigezh ? C’hoant ho peus e teskfe ho pugel brezhoneg evit bezañ divyezhek ? Eskemmomp enlinenn !

Abalamour d'an degouezh yec'hedel e aozomp dorioù digor enlinenn ar bloaz-mañ (pellprezegennoù ha videoioù) evit doujañ da zivizoù ar gouarnamant. Degemeret e voc'h avat en hor skolioù evit eskemm, kejañ, gweladenniñ kerkent ha ma vo aesoc'h an traoù war an dachenn yec'hedel.

Gwellañ doare da anavezout Diwan eo gouzout ar pezh a vez graet er c'hlasoù, neuze kit e darempred ganeomp. Ar skolaerien a responto d’ho koulennoù war ar bedagogiezh ha war mont en-dro ar skoliata e Diwan.

Evit kavout ar skol dostañ eus ar gêr, dre amañ eo ! Hag evit kompren pep tra war ar soubidigezh yezh, dre aze eo hag evit anavezout mont en-dro kevredigezhel ar skolioù klikit amañ !

Gerioù-alc'hwez stag : dorejoù digor    écoles bilingues    kentañ derez    eil derez   

Skignañ ar pennad-mañ

Lenn ivez

Kenemglev Stad-Rannvro : Bepred unvan hor c'hevredigezhioù evit goulenn neveziñ anezhañ

8 a viz Ebrel 2021, Kambr ar gannaded e Pariz. 247 kannad o deus votet evit ar c'hinnig a-zivout gwarez ar yezhoù rannvro hag o bruderezh.

Lezenn yezhoù rannvro : Kannaded·ezed Breizh ! Deomp dezhi betek penn, kontañ a reer warnoc'h d'an 8 a viz Ebrel !

Ni, ar strollad "Unanet evit ar Brezhoneg" a stourm abaoe mizioù evit ma vo an 8 a viz Ebrel un devezh istorel evit ar yezhoù bev...

"Bonreizhel eo ar c’helenn dre soubidigezh e yezhoù rannvro"

D'an 8 a viz Ebrel e vo studiet gant ar senedourien en eil lennadenn kinnig lezenn ar c'hannad Paul Molac war gwarez gladel ar yezhoù...

Renabl danvez niverel e brezhoneg evit talañ ouzh epidemiezh ar c’hovid-19

Evit derc’hel ul liamm gant yezh ar skol e-pad epidemiezh ar c’hovid-19 ez eus kalz a zanvez plijus, evit studiañ pe evit dudiañ....

An holl bennadoù war an tem-mañ