Darempred

Degemer > Feur-emglev-stad-rannvro-nechet-unanet-evit-ar-brezhoneg
manifestadeg-13.03.2021-kemper_manif_13_03_etienne_coeur_bzh

Feur-emglev Stad Rannvro, da vloavezh an erc'h du ?

Feur-emglev Stad Rannvro war treuzkas yezhoù Breizh

08/12/2021

Nec'het eo izili strollad Unanet evit ar Brezhoneg abalamour ma n'eus ket kalz a geloù diwar-benn labourioù sevel ur feur-emglev Stad-Rannvro nevez evit treuzkas yezhoù Breizh.

Lire cet article en français

Bountet o doa rouedadoù kevredigezhioù ar strollad Unanet evit ar Brezhoneg evit kas war-raok  teuliad ar feur-emglev arbennik war yezhoù Breizh, etre ar Stad hag ar rannvro. Kement-se a oa labour ar strollad a-raok diviz trumm ar c’huzul bonreizhel d’an 21 a viz Mae, da vougañ frankiz pedagogel kelenn ar yezhoù rannvro.

Ur vras ha kaer a vanifestadeg a oa bet d’an 13 a viz Meurzh, bodet enni tost da 5 000 den e straedoù Kemper, skol·idi·adezed, tadoù ha mammoù, tud a youl vat, sikour·erien·ezed ha dilenn·idi·adezed o c’houlenn ma vije bet savet ha sinet ar feur-emglev-mañ a-raok an hañv tremenet ha dreist-holl a-raok dilennadegoù rannvro miz Even. Embannet en doa Prezidant Rannvro Breizh, Loïg Chesnais Girard, e stourmfe evit kaout ur feur-emglev a live uhel digant ar Stad. Stanket e oa bet ar marc’hata avat da benn-kentañ ar prantad kabaliñ.

Nevesaet eo bet bodad-seveniñ ar rannvro abaoe ouzhpenn 5 miz ha nec’het omp chom hep kaout muioc’h a araokadennoù eget mare nevez amzer ar bloaz-mañ. Da geñver emvod kuzul sevenadurel Breizh ar 4  a viz Kerzu e oa bet goulennet keleier digant Stéphane Perrin, bezprezidant ar Rannvro e karg eus ar budjed  gant izili eus hor c’hevredigezhioù e-keñver araokadennoù ar marc’hata.

Dre ma n’en deus ket degaset keleier resis hon eus aon e vefe chomet bout an traoù war an teul ha war aerezioù roet d’ar c’helenn ha d’an treuzkas yezhoù rannvro. Ret eo da atebeien lec’hel ar rannvro hag ar Stad mont war-raok en un doare fetis war ar c’henemglev-mañ a-raok konjeoù fin ar bloaz. Goulenn a reomp ouzh ar Prezidant Rannvro kinnig buan an teul-mañ d’ar gouarnamant ha d’ar C’hentañ Ministr.

Tremen a ra ar sizhunvezhioù. N’omp ket hegredik ! Emañ an dilennadegoù prezidantelezh ha kannaded o tostaat hag emaint e risk stankañ ur wech ouzphenn ar march’ata. Da grediñ eo an dizober-mañ ur skoilh ouzhpenn ouzh kelenn ar yezhoù rannvro lakaet gant Ministr an Deskadurezh Stad

Gouzout a raimp en em sevel en-dro ! en emgavout a raimp e penn kentañ ar bloavezh a zeu evit ober ur poent.

Dielloù

Gerioù-alc'hwez stag : Unanet evit ar brezhoneg    convention état région   

Skignañ ar pennad-mañ

Lenn ivez

Skolaj Diwan Gwiseni : Lun 27 a viz Du, devezh an addigoradur

Tra ma oa aet toenn skolaj Diwan Gwiseni gant ar gorventenn Ciarán ha deuet ar savadur da vezañ dirapar e oa bet gellet digeriñ...

Devezh eskemm d'an 2 a viz Kerzu 2023 e Karaez

Gweladenn al lise, keleier rouedad Diwan, bodadoù labour, diwallerezh war al lec'h

Kengred gant skolaj Diwan Gwiseni evit un dazont seder

Skoet eo bet hor skolaj Diwan e Gwiseni (29) gant ar gorventenn Ciaran en noz etre ar Merc’her 1 hag ar Yaou 2 a viz Du 2023. Tennet...

5vet plas evit Tomaz André war ar Mini Transat gant livioù Diwan hag ar brezhoneg dispaket uhel gantañ

Kreñv eo bet an avel e Breizh en devezhioù tremenet evit hor rouedad ha dreist-holl evit skolaj Gwiseni. Avel a-du a zo bet avat...

An holl bennadoù war an tem-mañ