Skolaj-Lise Diwan Gwened

Staliet eo ar Skolaj-Lise straed Montaigne e Gwened. E 2020 eo bet lidet e 20 vlez !

Degemeret e vez 190 skolajiad-lisead a-barzh 10 klasad, 155 dibarzhiad en o-zouez.

E 2020 eo bet digoret ar Lise get ar live 2vet. Dont a ra da a greñvaat rouedad an eil derez. Ur chañs e vo evit leun a skolidi da studiiñ tostoc'h ag an ti betek ar bachelouriezh. Ar liseidi gentañ o deus tapet o diplom bak e 2023 !

Leun a raktresoù a vez kemeret e karg get ur skipailh pedagogel menet.

Trede skolaj Diwan (TSD), ar c'huzul-skoazell, a zo e bal aoziñ raktresoù hag arc'hantaouiñ diorren ar skolaj. An Houlenn, kevredigezh ar liseidi, ha KSD, kevredigezh ar skolajidi, a gemer perzh ivez o sevel raktresoù evit buheziñ ar skolaj-lise.

Titouroù ouzhpenn war ar skolaj-lise gant ar liamm-mañ : https://view.genially.com/65df3208f625f20014c426a4/presentation-kinnig-skolaj-lise-diwan-ar-mor-bihan