Skolaj Kemper Jakez Riou

Ganet eo skolaj Diwan Jakez Riou e 1997 ha kreskiñ a ra ingal an niver a skolajidi ; 181 skolajiad.ez zo ar bloaz-mañ, dasparzhet war 8 klasad hag ambrouget gant ur skipailh pedagogiezh, ennañ 20 kelenner.ez, 6 kasour.ez ha 5 skoazeller.ez (AESH).

Dont a ra ar skolajidi eus 7 skol Diwan Bro-Gerne (8 ‘benn nebeut gant skol Pontekroaz!) met ivez eus meur a skol divyezhek. Betek henn e ya da gousket an diabarzhidi en Enez Tudi met klask a ra ar c’huzul-merañ un hunva tostoc’h ouzh ar skolaj.

Kavet ‘vo ganeoc’h ur bern titouroù en hol levrig degemer (amañ stag) ha war hor blog e lec’h emañ niverennoù ar gazetennig « Fiñv da skolaj ». Gellout a reoc'h ivez gweladenniñ ar skolaj enlinenn !