Darempred

Degemer > Etablissements > Bro diwan kemper > Ur c'houskva nevez evit skolaj Diwan Kemper !
kouskva-kemper-2024_Image1

Ur c'houskva nevez evit skolaj Diwan Kemper !

Skolaj Diwan Kemper

23/02/2024

D'ar Yaou 15 a viz C'hwevrer 'oa bet votet gant kuzul kumuniezh Kemper Breizh izel (a unvouezh !) evit reiñ savadur Ti ar Brug (EHPAD kozh) d'ar gevredigezh Kroashent Kerne. An antronoz 'oa bet kinniget al lec'h d'ar gazetennerien ha deuet 'oa Isabelle Assih evit diskouez he souten d'ar raktres.

E-touez raktresoù kaer Kroashent Kerne e kaver hunva ar skolaj. Dibaoe 20 vloaz emaomp o klask ul lec'h tost eus ar skolaj evit lojañ an diabarzhidi ! Ur bern tud, ezel eus ar c’huzul merañ, o deus labouret forzh pegement evit kavout un diskoulm. Gallout a raimp, a-benn ar fin, degemer kalz gwelloc’h an diabarzhidi ha pouezañ da vat war talvoudegezh an hunva e raktres soubidigezh Diwan.

Kerkent ma c’hellimp ‘vo dilojet an hunva, pa vo renket ar redioù melestradurezh, da lâret eo tro-dro fin miz Ebrel moarvat. 

Setu al liamm war-zu blog ar skolaj (Fotoioù eus ar savadur hag ar c’hambreier, pennadoù kazetenn…)

http://jakezriou.com/2024/02/kroashent-kerne-war-wel.html

 

Skignañ ar pennad-mañ

Lenn ivez

Emvod meur rouedad Diwan d'an 13 a viz Ebrel e Plañvour

Dalc’het e vo emvod meur ar rouedad Diwan d’ar Sadorn 13 a viz Ebrel 2024 e Kreizenn Sevenadurel Amzer Nevez e Plañvour (56).

Sujedoù ar breved e brezhoneg : galv ar rouedad Diwan

Kelaouet e oamp bet gant servijoù ministrerezh an Deskadurezh Stad e vefe aotreet hor skolajidi da respont e brezhoneg evit holl zanvezioù...

An holl bennadoù war an tem-mañ