Berzh gant an distro-skol e skol Diwan Plabenneg !
17/05/2020
E Diwan Plabenneg ivez e oa adkroget gant ar skol evit brasañ plijadur ar re vihan hag ar re vras.
Du-mañ ivez evel e pep lec’h e vez doujet d’ar protokol yec’hedel :
- An aer check a gemer plas ar pok diouzh ar mintin,
- Ur c’hoarI klask ar roudenn eo deuet ar porzh-skol da vezañ,
- Gwisket o deus ar skolaerien hag an ASEMed o maskloù bravañ
- Aozet e vez emgannoù klogorennoù soavon a-hed an devezh…
An holl a gav eo tremenet mat an distro-skol.
Gant an niver bihan ar skolidi e c’hellomp degemer an holl bemdez.
Un diforc’h avat : Chomet eo serret an diwallerezh evit poent hag ur pik-nik a gemer plas ar c’hantin. Gwellañ tra p’emañ an amzer vrav o tont !!!
Emaoc’h e soñj enskrivañ ho pugel e skol Diwan Plabenneg ?
Kit neuze e darempred gant Charlez, rener ar skol, dre bellgomz : 02 98 37 64 05 pe dre bostel : diwan.plab@free.fr
Gellet a reoc’h gweladenniñ ar skol ha kejañ gantañ war mont en-dro ar skol en ur zoujañ ouzh ar surentez yec’hedel !
