Skol Diwan Landerne
185 Alez / Allée Tremaria
Landerne / Landerneau 29800

https://www.facebook.com/skoldiwanLanderne

Skol Diwan Landerne

Degemer a ra ar skol 75 skoliad e-barzh 4 c’hlas, eus rummad ar re vihan betek ar CM2

Nebeutoc'h eget an hanter eus ar vugale zo eus kumun Landerne.

Ur servij taksi a vez aozet gant ar GDP eus Logonna-Daoulas.

E 1986 e oa bet digoret ar skol ha 82 skoliad a oa en distro-skol 2018.

Foar bio Landerne

Unan eus ar foarioù biologel anavezetañ e Breizh ha pelloc'h eo hini Landerne, bet savet diwar atiz kuzul skoazell Skol Diwan Landerne 26 bloaz zo. An 26tvet a vo d'ar 16 ha 17 a viz Meurzh 2024. Unan eus abadennoù brasañ kêr Landerne ouzhpenn da se, hag a drugarez da Ziwan ! Pemzek den a youl vat a labour evit prientiñ an traoù a-raok ar foar, ha kant den a vez war al lec'h, en o zouez, familhoù ar vugale, skolajidi ha liseidi bet er skol amañ a-raok. Ouzhpenn kant ugent diskouezer a vez bep bloaz o tont eus Breizh ha betek Alzas pe Okitania. Arc'hantaouet e vez ar skol gant ur foar al levrioù hag ul loto ivez ha traoù all, met ar foar bio eo an darvoud pouezusañ evit an dastum arc'hant. Graet eo ivez evit brudañ ar boued bio evel-just.