Darempred

Degemer > Etablissements > Bro diwan plijidi > Nullet eo darvoudoù kuzul skoazell Lannuon
skol-diwan-lannuon__RLP8329

Nullet eo darvoudoù kuzul skoazell Lannuon

Covid-19

20/04/2020

Ranket en deus kuzul skoazell skol Lannion nullañ pe daleañ an darvoudoù, ur c'holl 14 000 euros evit poent.

Lire en français

E keñver an darvoudoù a ra o reuz er mare-mañ ez eo bet graet hor soñj ganeomp cheñch tra-pe-dra evit ar bloavezh 2020. Kollet vo tro-dro 14 000 euros, da lâret 60% gounidoù ar c'huzul skoazell.

An arc'hant-se a zo ret gant ar c'huzul skoazell evit lakaat ar skol da vont en-dro. Ma fell deoc'h reiñ ur skoazell e-pad ar mare diaes-se, aze emañ al liamm evit reiñ arc'hant d'ar skol.

Tro ho po da c’houzout hiroc’h diwezhatoc’h. Esperiñ a reomp e vo moaien da riboulat eno. Deuit da zañsal ganeomp e miz Here, gant plijadur !  Da c’hortoz, chomit er gêr, taolit pled ouzh ho yec’hed, ha yec’hed kerent ha mignoned.  

Ken ar wech all !

Kuzul skoazell skol Diwan Lannuon

> Arabat ankounac'haat : Gant ar c'huzul skoazell e vez dastummet paper journal !

An darvoudoù nullet pe daleet

Dastum hernaj – Ebrel 2020 : Klask a reomp gouzout hag-eñ e vije moaien d’ober se e diskar-amzer.  

Ar Redadeg – Mae 2020 : Tud ar Redadeg o deus graet o soñj daleañ an darvoud-mañ hag e lakaat e 2021. Er mod-se hon do un tamm muioc’h a amzer evit pleustriñ!  

Gouel an Hañv – 6 a viz Even 2020 : Graet eo o soñj gant tud Nevez Amzer. Nullet eo ar fest-noz neuze. N’eus forzh penaos ne vo ket moaien bodañ tud d’an deiz-se.  

Fest al Leger – 27 Even 2020 : Memestra evit ar fest-mañ. Dav ‘ vo gortoz 2021 evit ar c’hentañ tro ! Bez e vo ur fest-noz all da vare an distro skol.

Foar an traoù kozh Diwan – 12 Gouere 2020 : Daleañ an darvoud-mañ a rankomp ober. Pa ouezer ez eo darvoud pennañ arc’hantaouiñ mont en-dro hor skol ne c’hellomp ket soñjal he nullañ. Sevel ur foar vihan ne lavaran ket. E darempred emaomp tud Kêr Lannuon evit lakaat un deiziad all.

Fest-noz Pederneg – 12 Here 2020 : Dalc’het ‘ vo mod-pe-vod.
 

Gerioù-alc'hwez stag : koronaviruz    kuzul skoazell    arc'hant   

Skignañ ar pennad-mañ

Lenn ivez

Dorioù digor Diwan d'an 10 hag 11 a viz Meurzh !

Ar bloaz-mañ, dorioù digor Diwan a zo aozet d'an 10 ha d'an 11 a viz Meurzh.

Ur sizhunvezh war an diarbenn a-enep an droukziforc'hadurioù hag ar feulster

E miz Du 2022 e oa bet aozet e Skolaj Diwan Penn-ar-Bed ur sizhunvezh "Diarbenn an droukziforc’hadurioù hag ar feulsterioù". Kemeret...

Forom an heñchañ 2023

Emañ skipailh skolaj Diwan Jakez Riou oc’h aozañ forom Diwan an heñchañ.

An holl bennadoù war an tem-mañ