Darempred

skol-diwan-pempoull__RLP9248

Skol Diwan Pempoull

Ur skol vihan eo skol Diwan Pempoull, war vord ar mor e Bro Ouelo, ha startijenn zo ganti !

E karter Plounez, a oa gwechall ur gumun, emañ ar skol kempennet brav ha plijus evit ar vugale. An eskemmoù gant skolioù all eo ar perzh dibar e skol Diwan Pempoull. Eskemmoù gant skolioù Diwan all, ha gant skolioù Calandreta eus Okitania ha Seaska eus Euskadi, ha n'int ket nemet eskemmoù dre lizher. Warlene e oa deut bugale Calandreta Gaillac en Okitania da welet skolidi Pempoull e-pad ur sizhunvezh. Bugale ar c'helc'hiad 2 a yelo betek Gaillac e-pad ur sizhunvezh er bloavezh skol-mañ.

Ijin zo ivez gant ar c'huzul skoazell abaoe an deroù. Marc'had kentañ an Nedeleg bet aozet a-viskoazh e Breizh a oa bet aozet ganto, pemp bloaz warn-ugent zo ! Ne vez ket lakaet a-walc'h war wel na pet gouel, abadenn, baleadenn zo bet ijinet gant Kuzulioù skoazell Diwan e Breizh evit kavout arc'hant evit mont en-dro ar skolioù. Betek gwelet kalzik kevredigezhioù o kemer skouer war kuzulioù skoazell Diwan evit dastum arc'hant ! Ur marc'had a vez aozet bep bloaz evit an eskemm pezhioù dilhad : "les puces des couturières". Warlene e oa deut ar ganerez Gwennyn da ziskouez he dilhad bet gwriet gant ar broder Pascal Jaouen. Deut e oa ar ganerez meur a wech da welet bugale skol Diwan Pempoull.

Skignañ ar pennad-mañ

Lenn ivez

Diwan : nevesaet an dud e penn ar rouedad a-benn treiñ war zu an dazont

Dilennet en deus Kuzul-merañ Kevredad Diwan ur burev nevez, klok gant seizh den ennañ. Ar pal gant ar burev-mañ a zo kreñvaat en-dro...

Emvod-Meur dreistordinal

An Emvod-meur dreistordinal a vo dalc’het d’ar Sadorn 14 a viz Du 2026 etre 9e30 ha 12e e Ti ar Vro bro Gwened, 3 straed al Lezenn e Gwened.

Devezh Degemer Diwan

Deuit da gejañ ouzhomp d'an 21 a viz Du 2026 e Roazhon ! Digor eo da holl izili ar c'hevread (implijidi, kerent, tud a-youl vat...)

Kemennadenn a-berzh Kuzul merañ Diwan

Kengalv d'un emvod meur dreistordinal

An holl bennadoù war an tem-mañ