Skol Diwan Kemperle
- Evit predoù merenn ez eus ur c’hañtin, liammet gant kegin kreiz Kemperle.
- Digor eo an diwallerezh adalek 7e30 vintin ha betek 7e noz.
- Degemeret e vez ar vugale adalek 2 vloaz er skol-vamm, e penn-kentañ koulz hag e-kerzh ar bloaz, a-hed an devezh pe a hanter-zevezhioù.
- Ur servij transportoù a vez kinniget evit ar vugale o tont eus ar c’humunioù tro-dro Kemperle
Taol Kurun, un événement Diwan Kemperle
"Taol Kurun", ur festival a ra berzh bras e miz Genver bep bloaz a vez aozet gant Kuzul Skoazell skol Diwan Kemperle hag ar Gevredigezh Deskadurezh Pobl (KDP), ar festival nemetañ aozet tro-dro d'ur skol Diwan. Amañ eo pouezus an eskemmoù etre ar rummadoù oad. Brudet eo skol Diwan Kemperle evit lakaat war wel konterien, kanerien ha sonerien ar vro.
Ar vugale a labour gant kanerien evel Anne-Marie Colomer a zeu ingal da welet ar vugale. Labouret e vez kalz war ar rimadelloù hag ar c'han. Dre se e ya alies bugale ar skol da genstrivadeg Kan ar Bobl. Kaierigoù CD gant tonioù eus ar vro zo bet embannet gant ar C'homite Skoazell. Bep tri bloaz e ya bugale ar skol da Okitania ivez da eskemm gant tud arallvro ha se abaoe pell zo.
Dalc'husted ha startijenn o doa ranket kaout tud Kuzul Skoazell skol Diwan Kemperle e penn kentañ. N'eo ket bet disoñjet penaos ne oa ket bet faotet d'ur skol bublik e Kemperle e 1994 e yafe bugale Diwan da zebriñ asambles gant bugale o skol. Cheñchet eo bremañ hag aet eo an traoù war an tu mat. Skolioù publik ha laik eo ar skolioù Diwan. Ar vugale a zeu eus pell amañ, war-dro an hanter eus Kemperle. Div linenn kirri-boutin zo, unan o tont eus Rieg, an hini all eus Gwelegouarc'h, hag alese e teu bugale eus ar Faoued zoken.
