Darempred

Degemer > Etablissements > Bro diwan kemper > Cheñchamantoù er c’hantin hag er c’houskva
Roteler Skolaj Kemper 20191129
©Skolaj Jakez Riou Kemper

Cheñchamantoù er c’hantin hag er c’houskva

Skolaj Jakez Riou Kemper

09/12/2019

E skolaj Jakez Riou e Kemper ez eus traoù nevez er c'hantin hag er c'houskva.

Lire l'article en français

Petra nevez er c’hantin ?

Profitet en deus ar skolaj eus ur yalc’had roet gant Kuzul Departamant Penn-ar-Bed evit staliañ un daol dispartiañ al lastez er c’hantin. Ar restachoù mat da roteliñ a vo daspugnet ha lakaet en ur rotel e-kichen al liorzh. Ur c’hlud a vo savet hag ul lodenn eus lastez ar c’hantin az aio da vouetañ un nebeud yer. Dileuridi glas zo bet choazet gant pep klasad.
Lakaet e vint er jeu evit kas ar boued er rotel, ober war e zro, bouetañ ar yer ha dastum ar vioù. Teir foubelenn da zibab lastez zo bet staliet dindan er bratell ivez. Da notenniñ ivez : ur pred vejetarian a vo bep Meurzh er c’hantin, hervez al Lezenn war ar boued votet e fin 2018.

Ar c’houskva e bord ar mor e Enez-Tudi 

Goude an dilojadeg e miz Even gant skoazell kerent ar skolaj e oa prest ar c’houskva nevez da zegemer 31 plac’h ha 29 faotr evit an distro skol. Al lec’h a blij d’ar skolidi memes ma chom traoù da renkañ evit ma vefe mat kaer. Labourioù a vo graet evit ma vefe ul lec’h a feson : cheñch prinistri e miz C’hwevrer (gwerennadur doubl), livañ kambreier ha kempenn privezioù ha strinkerezhioù ar baotred (a benn bloaz). Ur c’hontrat feurmiñ zo bet sinet etre pec’henn al lec’h, ar gevredigezh Berry-Tudy (hag a aoz kampoù vakañsoù), hag ar skolaj.

Blog ar skolaj

Ingal e vez embannet pennadoù war blog ar skolaj diwar-benn ar raktresoù kaset gant ar skolajidi. Gallout a rit koumanantiñ d’ar blog ha resev ar pennadoù nevez embannet e-barzh ho poest-posteloù.
 

Gerioù-alc'hwez stag : eil derez    kouskva    kantin   

Skignañ ar pennad-mañ

Lenn ivez

Dorioù digor Diwan d'an 10 hag 11 a viz Meurzh !

Ar bloaz-mañ, dorioù digor Diwan a zo aozet d'an 10 ha d'an 11 a viz Meurzh.

Gweladennit hor skolioù enlinenn !

Dizoloit amañ hor skolioù gant videoioù ha kavit muioc'h a titouroù diwar-benn Diwan.

Ur sizhunvezh war an diarbenn a-enep an droukziforc'hadurioù hag ar feulster

E miz Du 2022 e oa bet aozet e Skolaj Diwan Penn-ar-Bed ur sizhunvezh "Diarbenn an droukziforc’hadurioù hag ar feulsterioù". Kemeret...

Forom an heñchañ 2023

Emañ skipailh skolaj Diwan Jakez Riou oc’h aozañ forom Diwan an heñchañ.

An holl bennadoù war an tem-mañ