Darempred

skolaj-diwan-gwened__RLP5185_Skolaj_Diwan_Gwened_Klas_6vet_A

Skolajidi en o bleud

Ur c’helenner a lavar e soñj

18/09/2019

Lire cet article en français

Da 32 vloaz, Sylvain Deron a zo rener Skolaj Gwened, yaouank ha mennet da vat. Ur skoliad kozh Diwan eo hag aet da gelenner war ar skiantoù ar vuhez hag an douar. Merzet en deus eo ar re yaouank un tamm mat eürusoc’h pa vestroniont meur a yezh.

Perak eo pouezus kenderc’hel gant ar brezhoneg en eil derez ?

E fin ar c’hentañ derez eo ar vugale gouest da gomz brezhoneg. Erru en eil derez e c’hellint lakaat e pleustr o anaoudegezhioù hag implij ar brezhoneg en danvezioù a vez kelennet nemet adalek ar skolaj. Uhelaat a raint o live e brezhoneg ivez evit gellout implij ar brezhoneg war ar pemdez ha war o micher en dazont marteze. Ouzhpenn da-se, int emren un tammig muioc’h ha muioc’h en o aes gant ar re all : an darn vrasañ eus ar skolajidi a zo diabarzhidi, krouiñ a reont liammoù kreñv etrezo. Ur spered a-stroll zo ganto ha nebeud kudennoù diforc'hidigezh pe goaperezh hon eus peogwir int doujus etrezo.

Daoust hag e c’hell an divyezhegezh sikour ar vugale da vezañ muioc’h en o bleud pa gomzont dirak an dud ?

Ya, a dra sur. D’am soñj, estreget an divyezhegezh eo gant un aozadur hollek e teuomp a-benn : pa gomz ar skolidi meur a yezh int muioc’h en o bleud dre vras. Goude pep troiad en diavaez eus ar skol omp trugarekaet gant tud eus an diavaez peogwir e kavont ar skolajidi dedennet gant ar pezh a vez kinniget dezho, doujus ha digor war ar bed.

Penaos reiñ c’hoant d’ar grennarded komz brezhoneg bemdez ?

En em c’houlenn a reomp an dra-se bemdez…. Aesoc’h eo gant ar 6vet hag ar 5vet peogwir emañ ganto c’hoazh ur spered skol ha prest int da gemer perzh e raktresoù ar c’hlas. Diaesoc’h eo war-lerc’h gant ar 4re hag an 3de peogwir e krogont da gaout ur spered a enebiezh dirak an dud gour ha klask a reont en em zizober eus an aotrouniezh. Yezh ar skol  hag ar c’hentelioù eo ar brezhoneg evito. Neuze ne vint ket kastizet met klasket vo sevel un endro a zere evit broudañ anezho da implij ar yezh : komz ganto bemdez eus sujedoù-all er maez eus ar c’hentelioù, klinkañ ar skolaj e brezhoneg (skritelloù ha panelloù, …). Lakaet ‘vo anezho d’ober labourioù pleustrek e brezhoneg. Da skouer, ar bloavezh tremenet e oa deuet ar c’haner Krismenn d’ar skolaj evit labourat war ur raktres sonerezh. Efedus-tre e oa bet evit en em rentañ kont e c’heller implijout ivez ar yezh en diavaez eus ar skol ha krouiñ raktresoù a bep seurt.

Gerioù-alc'hwez stag : eil derez    skolidi gozh    testeni   

Skignañ ar pennad-mañ

Lenn ivez

Skolaj Diwan Gwiseni : Lun 27 a viz Du, devezh an addigoradur

Tra ma oa aet toenn skolaj Diwan Gwiseni gant ar gorventenn Ciarán ha deuet ar savadur da vezañ dirapar e oa bet gellet digeriñ...

Devezh eskemm d'an 2 a viz Kerzu 2023 e Karaez

Gweladenn al lise, keleier rouedad Diwan, bodadoù labour, diwallerezh war al lec'h

Kengred gant skolaj Diwan Gwiseni evit un dazont seder

Skoet eo bet hor skolaj Diwan e Gwiseni (29) gant ar gorventenn Ciaran en noz etre ar Merc’her 1 hag ar Yaou 2 a viz Du 2023. Tennet...

5vet plas evit Tomaz André war ar Mini Transat gant livioù Diwan hag ar brezhoneg dispaket uhel gantañ

Kreñv eo bet an avel e Breizh en devezhioù tremenet evit hor rouedad ha dreist-holl evit skolaj Gwiseni. Avel a-du a zo bet avat...

An holl bennadoù war an tem-mañ