An distro-skol a oa aozet dec'h evit ar skolajoù hag o doa ar gwir da zigeriñ en-dro (ar re lec'hiet en departamantoù gwer). E Skolaj Diwan ar Mor-bihan e oa distroet hanter ar c'hlasad 6ved. Pemp skolajiad warnugent a oa deuet betek ar skolaj. Degemeret oa bet ivez ar skolajidi ha ne oa ket tu d'ar gerent dec'hel anezho er gêr. Prest oa ar gasourien hag ar gelenerien da zegemer ar vugale ha frealziñ anezho war ar memes tro. V'el ma zispleg deomp Gregori Evenas 'zo penngasour e Skolaj Diwan ar Mor-bihan.