Skignadenn teulfilm "Ni gomzay yezh hor glad !"
28/11/2024
E 2023-2024 eo bet kaset gant liseidi ar skolaj-lise ur labour tro-ha-tro d'ar glad dizanvezel gant Golfe du Morbihan - Vannes Agglomération, Ti Ar Vro - Emglev Bro Gwened ha kevredigezh Paysages de Mégalithes. Gweladennet o deus lec'hioù meurvaenel e Bono hag enez Arz. Ur c'hoñkour helavar zo bet dalc'het e miz Even 2024 gant ar pal : lakaat da anaviñ ar glad 'zo tro-dro ha lakaat war-wel ar brezhoneg. An darvoudoù-se zo bet filmet gant skipailh Kub.
Da-goulz miziad an teulfilm eo bet skignet teulfilm "Ni gomzay yezh hor glad !", diwar-benn labour ar liseidi, d'ar Merc'her 27 a viz Du er skolaj-lise. Da-heul ar skignadenn eo bet kinniget ur prantad eskemm. Un noziad dedennus ha plijus e oa.
Kevelerezh / En partenariat avec : KUB, Skolaj-Lise Diwan Gwened, Mégalithes de Carnac et des rives du Morbihan,
Paysages de Mégalithes, Golfe du Morbihan - Vannes Agglomération, Ti ar Vro Bro Gwened, Compagnie des Ports du Morbihan et Centre des Monuments Nationaux
