Devezh eskemm ar c'hevread

Da 9^e30 e vo degemeret an dud ha da 10 eur e krogo gant ar programm a c'helloc'h kavout e traoñv ar bajenn e stumm pdf.

Aozet eo an devezh-mañ evidoc'h, merourien hag implijidi ar skolioù, tud a-youl vat, skolaerien ha familhoù.

Palioù an devezh a zo reiñ tro da bep hini da anavezout gwelloc'h Diwan ha da gejañ gant an holl re a ra Diwan war ar pemdez, c'hwi en o zouez !

Ouzhpenn keleier Diwan e vo kinniget deoc'h prantadoù kinnig hag eskemm war sujedoù pleustrek evit ambroug ac’hanoc’h , en o zouez :

- Diwan ur skol digoust : petra dalvez ?

- Roc'h Diwan : un ostilh evit skoazellañ ac'hanoc'h da gempenn ho ti-skol

- Karta an ASEMed : un diell diazez savet a-stroll evit ambroug ac'hanoc'h war ar pemdez

Profitañ a raimp ivez evit reiñ lañs da aozadur lid 50 vloaz Diwan : ur raktres da zougen a-stroll evit lidañ evel m'eo dleet un avañtur dreist-ordinal evit ar brezhoneg.

Kenweturit, deuit a-stroll ! Un diwallerezh a vo evit ar vugale ha profet eo pred kreisteiz gant ar C'hevread (Enskrivadur pred & diwallerezh a-raok ar 27/11).