Skol Diwan Lokournan

Skol Diwan Lokournan zo bet digoret e 2008. Evit poent eo lec'hiet ar skol d'an 1, Plasenn ar C'hezeg, gant ar raktres dilojañ e-kerzh ar bloavezh-skol 2022-2023 war lec'h-bet skolaj Kerzouar Lokournan. Ur c'hantin bihan zo war al lec'h, hag ar skolidi az aio d'ar c'hantin publik nepell goude bezañ dilojet ar skol.

War-dro un hanter-kant bennak a vugale zo rummet e-barzh teir c'hlasad.

Kinniget e vez kentelioù bag-dre-lien da bugale ar c'hlasad CE2-CM e Porsall, ha d'ar re eus klasad RVr-CP-CE1 e vez kinniget kentelioù neuial e Lokournan. Buhezadennoù a vez ivez a-wezhoù er skol, evel p'eo deuet "Cap'tain Paillettes" da zeskiñ d'an holl penaos hoolahoopiñ... E brezhoneg evel just !

Dre ma 'z eo bihan ar skol hag ar c'hlasadoù e kaver un aergelc'h plijus etre ar vugale, hag en em galonekaat a reont etreze-o-unan evit mont e brezhoneg. A-drugarez d'an niver bihan a vugale dre glasad e c'hallont ivez bezañ anavezetoc'h gant an holl izili eus ar skipailh, ha kinniget e vez da bep hini un skoliata a glot ganti pe gantañ.

Gant ar c'homite skoazell e vez aozet bep bloaz ur fest-noz, ur foar al laou, hag ur c'hermes, brudet er vro evit he flad rougailh-silzig.

Evel e skolioù all ar rouedad e vez aozet an dorioù digor daou sadorn-beurevezh ar bloaz etre 9e ha kreisteiz.