Aet eo Dominig Jolived d'an Anaon, kelenner e oa e Diwan
15/01/2024
Glac'haret eo rouedad Diwan o kemenn deoc'h eo aet Dominig Jolived d'an Anaon disadorn.
Skolaer e meur a skol Diwan (Tregon, Kommanna, Sant Brieg…) eo bet a-raok bezañ rener kentañ skolaj Diwan Plijidi, kelenner e lise Diwan Karaez hag e skolaj Diwan Jakez Riou Kemper betek an deiz a hiziv. Dileuriad ar c’hopridi eo bet e Diwan e-pad bloavezhioù ivez hag unan eus diazezerien Sindikad Labourerien Breizh (SLB).
Soñjal a reomp en e vugale, e familh hag e vignoned, en e genseurted hag en holl vugale en deus bet kelennet dezho, betek ar bloaz-mañ c’hoazh. Ra vezo skañv douar Breizh evitañ.
Kenavo Dominig, ha trugarez evit da labour tenn evit Diwan, evit ar brezhoneg hag evit Breizh.
Poltred : Familh Jolivet
