An taos deskardiñ 2026
un taos a vo plijus deoc'h paeañ m'emaoc'h e penn un embregerezh pe ur gevredigezh
24/04/2026
Aotreet eo kreizenn stummañ Kelenn, e karg eus stummadurioù skolaerien ha kelennerien ar c'hevread Diwan, da zegemer an taos deskardiñ evit ar Master MEEF-EBI, da lâret eo ar stummadur evit danvez skolaerien Diwan.
Ar prantad dasparzhañ kentañ a grogo d'ar 26 a viz Mae 2026 ha klozañ a raio d'an 21 a viz Eost 2026 war ar savenn Soltéa. MUIOC'H A DITOUROÙ : https://www.kelenn.bzh/taos-deskardin/
Un eil brantad a vo deus an 3 a viz Gwengolo 2026 d'an 21 a viz Here 2026.
3 abeg amañ dindan evit reiñ d'ar greizenn stummañ :
1. Skoazellañ ur stummadur talvoudus hag anavezet
Stummañ a ra Kelenn an danvez skolaerien, dre ar master MEEF divyezhek. Prientet e vez ar studierien d'ar vicher, d'ar genstrivadeg gant gwir chañsoù da gavout ul labour da c'houde.
O reiñ an taos da g/Kelenn e kemerit perzh war-eeun e arc'hantaouiñ ar stummadurioù a sikour ar re yaouank da vont war-zu bed al labour, ar pezh a zo pal an taos deskardiñ.
2. Ober un dra evit ar yezh hag al liesseurted sevenadurel
Kelenn a zo e kreiz Kevread Diwan, ha stummañ a reont skolaerien gouest da gelenn e brezhoneg dre soubidigezh.
Gant ho skodenn e kemerit perzh en un doare fetis e :
-
treuzkas ar brezhoneg
-
gwareziñ ar glad sevenadurel ar rannvro,
-
diorren ar c'helenn divyezhek.
Ul levezon sevenadurel kreñv eo, en tu all d’an arc’hantaouiñ desavadurel.
3. Reiñ ur ster d'un taos ret
An taos deskardiñ a zo ur skodenn a rank an embregerezhioù/kevredigezhioù paeañ forzh penaos.
En ur zibab Kelenn :
-
e heñchit an taos war zu ur raktres engouestlet ha lec'hel,
-
e skoazellit ur framm kevredigezhel desavadurel.
-
e c'hellit gwelet un efed fetis ha gwelus war an dachenn.
> PELLGARGAN AN TEUL : https://intranet.diwan.bzh/documents/913
Testeni Patricia Chorlay, renerez Kelenn
E 2025, a-drugarez d'an arc'hant dastumet gant Kelenn dre an taos deskardiñ, hon eus gellet : klokaat hor mediaoueg evit derc'hel da gaout danvez hizivaet e liamm gant skiantoù an deskadurezh ; kinnig stummadurioù nevez pe klokaet diwar-benn sujedoù a-vremañ : ar skol er-maez, ar bevañ mat asambles ; aozañ stajoù evit hor studierezed hag hor studierien, dezho da vevañ ar soubidigezh ha da eskemm gant tud a-vicher. Berr-ha-berr, an taos deskardiñ a sikour an danvez-gelennerien da gregiñ mat gant o micher nevez !
Testeni Maria Malarde, skolaerez tremenet dre g/Kelenn
Tremen dre ar greizenn stummadur deus ma chañjet kement ha kadarnaet un dibab. An eskemmoù get ar stummerezed, ar mareoù rannet get ma c'henseurted da zonet, an deskerezh savet e brezhoneg.... An holl mareoù-se o deus ma maget ha kreñvaet ma c'hoant. Kelenn e brezhoneg, kelenn dre soubidigezh, n'eo ket just ur perzh mat e-mesk re arall, an dra-se a zo ar pezh a ro ur stêr d'an deskiñ, d'an holl draoù arall.
