Darempred

Degemer > Goul
Brest_Gwelmeur_Klas_CM1_CM2__RLP2501_Skol_Diwan_Gwelmeur_Klas_CM1_CM2

« Sirius-tre eo ar stummadur kinniget e Kelenn »

Ur skolaer a lavar e soñj

02/07/2014

Lire cet article en français

Ur skoliad kozh eus Diwan eo Goulc’hen Bijer. Heuliet en deus stummadur Kelenn eus 2013 da 2015. Emañ o kelenn bremañ e skol ar Gwelmeur e Brest.

Petra a raec'h a-raok dont e Kelenn? Penaos ho peus anavezet ar greizenn stummañ Kelenn ?

A-raok dont da Gelenn e oant bet skolaer e skol Diwan Naoned e-pad daou vloaz, amzer din bezañ sur eo ar vicher skolaer a fell din ober. Anavezet eo bet ar greizenn stummañ Kelenn ganin dre skritelloù da gentañ pa oan studier e skol-veur Brest.

Penaos eo tremenet ho bloavezh e Kelenn? Penaos ho peus kavet ar stummadur dre vras?

Tremenet eo mat ma bloavezh skol. Daoust da se n'eo ket bet ur bloavezh aes, dav eo bet labourat ingal evit kas war un-dro ar stummadur master, ar memor ha prientiñ ar genstrivadeg. En holl d'an holl e seblant din eo bet frouezhus-tre, stummet mat on bet war pep tachenn a denn d'ar vicher skolaer, ha war ar brezhoneg. Ha gant m'emaon o tremen arnodennoù dre-gomz ar genstrivadeg (disoc'hoù d'ar bevar a viz Gouere !) e c'hellan lavaret  omp bet prientet a-feson. Holl ac'hanomp hon eus santet souten skipailh Kelenn a-bezh, eus al levraouegerez betek ar renerez, an holl anezho, dreist-holl pa voe mareoù gwaskus evidomp. Ur stummadur sirius-tre a daper e Kelenn.

Petra ho peus soñjet eus ar pezh dibar a vez kinniget e Kelenn da lavaret eo deskiñ kelenn dre soubidigezh?

Betek ar vachelouriezh e oan bet e Diwan, setu hon kendrec'het gant an divyezhegezh dre soubidigezh ha difenn ar brezhoneg. An hentenn efedusañ eo evit deskiñ div yezh war un-dro.

(Atersadenn graet e miz Even 2014, embannet e Keleier niv. 13 Gouere 2014)

Gerioù-alc'hwez stag : stummadur    kelenn    testeni    skolidi gozh   

Skignañ ar pennad-mañ

Lenn ivez

Ar vakañsoù benn ar fin !

Setu echu ar skol ! Vakañsoù deuet mat evit an holl goude ur bloavezh ispisial-tre, ar pezh n’en deus ket miret ouzh izili Diwan...

Ur skolaj Diwan en Il-ha-Gwilen en dazont

Ne vo ket digoret ur skolaj Diwan en Il-ha-Gwilen e miz Gwengolo 2020 evel raktreset. Koulskoude e kendalc'ho Diwan hag an Departamant...

Ensavadurioù foran : diouer a vrezhoneg da vare ar c'hleñved red

Kevre Breizh, skourr Breizh Elen (European Language Equality Network), en deus savet un danevell evit Kuzul Europa war ar gwall ziforc’h...

Distro war ar bloavezh-skol e Skol Diwan Louaneg

Newsletter mai 2020, nouvelle équipe, nouveau préau, Kan ar Bobl, confinement

An holl bennadoù war an tem-mañ