Titouroù pleustrek
Skol Diwan Sant-Brieg
Eurvezhioù
D’al Lun, d’ar Meurzh, d’ar Yaou ha d’ar Gwener :
- 07h30 – 08h20 : diwallerezh veure
- 08h20 – 08h30 : degemer ar skolidi er c'hlasoù
- 08h30 – 11h30 : amzer skol
- 11h30 – 13h20 : merenn
- 13h20 – 13h30 : degemer ar skolidi er c'hlasoù
- 13h30 – 16h30 : amzer skol
- 16h30 – 18h45 : diwallerezh d'abardaez
Ar skolaerien hag ar skolaerezed a vez er c'hlasoù dek munutenn a-raok penn-kentañ an amzer skol evit degemer ar skolidi, ha dek munutenn goude ar c’hlas.
Tikedoù ha koumanantoù evit ar c’hantin hag an diwallerezh
Prenet e vez an tikedoù evit ar c'hantin hag an diwallerezh (diouzh ar beure ha d’abardaez) dre garnedoù 10 tiked el Lec’h Degemer ar Familhoù er chomlec’h-mañ : 20 straed an 71vet RI (mont e-barzh dre ar straed Lecuyer) e Sant-Brieg.
Un distaol a c’hall bezañ graet gant ar CCAS d’ar familhoù a zo o chom e Sant-Brieg, diwar o rannad tiegezhel. Ar familhoù n’emaint ket o chom e Sant-Brieg a c’hall mont e darempred gant CCAS o c’humun.
Gwelloc’h marc'had eo koumanantiñ dre brantad. 5 prantad zo bep bloaz.
Titouroù ouzhpenn war lec’hienn ti-kêr Sant-Brieg pe dre bellgomz : 02 96 62 53 60.
Kantin :
- Servij kentañ evit bugale ar skol-vamm da 11 eur 30.
- Eil servij evit bugale ar skol-gentañ da greisteiz hanter.
Gallout a rit sellet ouzh ar rolloù-meuzioù war lec’hienn ti-kêr Sant-Brieg.
