Darempred

Degemer > Distro-skol-2022-e-diwan-adlansan-an-diorren
rentree-2022-distro-skol-laouen-dan-holl-bonne-rentree-a-tous_rentree_septembre_2022

Distro-skol 2022 e Diwan : adlañsañ an diorren

Kemennadenn bress

05/09/2022

Lire cet article en français

Krog eo ar skolidi ha skipailhoù ar skolioù, skolajoù ha liseoù gant un distro-skol nevez, 46vet ar rouedad Diwan. Un distro-skol stabil gant 47 skol, 6 skolaj ha 2 lise war 5 departamant Breizh. Gant ar bloaz nevez-mañ ha goude ar prantadoù covid e karfe Diwan adlañsañ diorren e rouedad.

Peadra da vezañ laouen

Gant ar bloavezh skol nevez-mañ ez eus peadra da ziwan da vezañ laouen. Goude un nebeud bloavezhioù a zigresk e seblant an niver a vugale bezañ o kreskiñ en-dro evit adkavout ar c’hresk, goude ma rankimp gortoz sifroù ofisiel an distro-skol evit kadarnaat kement-mañ. Emañ Diwan o talañ mat eta ouzh digresk hollek an niver a skolidi gant un tregont bugel bennak ouzhpenn er rouedad. Deomp-ni da gaout soñj e oa 4 034 skoliad er rouedad e 2021-2022.

Evit a sell ouzh ar skolioù, keloù mat an distro-skol-mañ eo digoradur ur c’hlas termen e skolaj-lise Gwened. Hiviziken en em gav kêr-benn ar Mor-Bihan ker nemeti m’eo klok ar skoliata e Diwan eus ar skol-vamm betek ar vachelouriezh.

War an dachenn niverel, ledanaet hon eus er rouedad a-bezh implij modul enskrivañ enlinenn ar skolidi goude daou vloavezh arnodiñ.

N’eo ket ar raktresoù a vank evit Diwan, dreist-holl en eil derez gant an ti-lojañ nevez e Kemper ha raktres ur skolaj e Il-ha-Gwilen adlañset. Emaomp o labourat war meur a raktres skol e Landreger, Naoned, Gwinieg pe Sant-Sebastian-an-Enk. Pouezus eo pal digeriñ un eil skolaj en Aodoù-an-Arvor evit adlañsañ ar c’helenn divyezhek en deus tapet dale en departamant-mañ.

Evit ar pezh a sell ouzh ar skodenn skol, emaomp war an tu mat hag e ra ar prefetioù o lod dre ma ‘z eont e darempred gant ar c’humunioù pa vez ezhomm. Goude an enkadenn vonreizhel tro-dro d’al lezenn Molac  e 2021 e verzomp ez a gwelloc’h a-fed an arc’hant gant ar skolioù a-drugarez d’an diferadoù war ar skodenn skol. Un nebeud oberoù tredeogiñ zo war ar stern gant ar prefetioù.

Diaezamantoù da vont dreisto

Ma ‘z eus doareoù degemeradus a-fet an niver a skolaerien er c’hentañ derez, eo un tamm mat diaesoc’h en eil derez pa vank kelennerien e kalz eus hor skolajoù/liseoù. Lañset ez eus bet ur c’houlzad tuta dreist-holl evit skolajoù/liseoù ar Mor-Bihan, Aodoù-an-Arvor ha Penn-ar-Bed.

Daoust d’an araokadenn vrav ma ‘ z eo ar c’helc’hlizher war ar c’helenn divyezhek embannet e miz Kerzu 2021 e chom un nebeud poentoù ha n’int ket graet ganto c’hoazh, evel an debarzhadurioù eurvezhioù a-ziforc’h el liseoù evit studiañ ar brezhoneg. Un nebeud goulennoù melestradurel ha politikel a zo bet savet met evit poent n’eus respont ebet gant Ministr nevez an Deskadurezh Stad.

War-zu ur politikerezh diorren oberiant

Diwan a garfe kemer perzh e lusk diorren ar c’helenn e brezhoneg, evel termenet er c’henemglev Stad-Rannvro. Ur pal 30 000 skoliad a zo meneget ennañ. Evit dont a-benn, e raio Diwan gant ur politikerezh diorren oberiant hag e liamm ouzh ar strollegezhioù lec’hel. Ret e vo dreist-holl cheñch an diferadurioù melestradurel ha reoliek a laka diaes digeriñ skolioù nevez abaoe lezenn Gatel 2018. Dres ar pezh a c’hoarvez evit ar raktres skol Diwan e Kernitron-al-Lann/Gwinieg a zo chomet bout evit poent.

Gant ar palioù diorren micherelaet emañ Diwan o klask ur g·kargad·ez evit an diorren e Breizh Uhel ma verzomp goulennoù o kreskiñ evit ur c’helenn e brezhoneg dre soubidigezh.

Skignañ ar pennad-mañ

Lenn ivez

Vakañsoù mat d'an holl !

Echu eo gant ar bloavezh er skolioù Diwan hag emañ ar skipailhoù o prientiñ an distro-skol 2022-2023.

Vivre les langues pour s’épanouir

Langage, individuation, épanouissement

Disoc'hoù tombola Diwan 2022

An tombola Diwan 2022 'zo bet tennet d'ar sort e-kerzh kuzul merañ an 11 a viz Even. 80 000 tiked zo bet gwerzhet ! Deuet eo brav...

Ur c’houlennaoueg d’an dud war ar renk evit an dilennadegoù : disoc’hoù a-raok an dro gentañ

Evel m’en doa graet da geñver ar c’houlzad prezidantelezh en deus kaset ar strollad evit ma vevo hor yezhoù ur c’houlennaoueg...

An holl bennadoù war an tem-mañ