Darempred

Degemer > Ar-redadeg-bezit-prest-da-lochan-e-2021
ar-redadeg_redadeg_2016_skolaj_kemper

Ar Redadeg : bezit prest da loc'hañ e 2021 !

15/05/2020

Lire cet article en français

Abalamour d’ar c’horona ez eus bet ranket nullañ ar Redadeg, darvoud bras ar brezhoneg. Gant ar gevredigezh ez eus bet divizet kas ar bloaz ar zeu ar redadeg. Eus ar 21 d’an 29 a viz Mae 2021 e vo dalc’het eta.

Setu hiziv  eo d’ar 15 a viz Mae e tlefe bet bezañ loc’het ar Redadeg 2020 eus Karaez evit mont war-hed 2000 km. Met n’eo ket ar bloaz-mañ ez aio ar redadeg a-hed hag a-dreuz Breizh evel raktreset. “ Ur ranngalon” eo evit an aozerien hag evit Diwan ivez pa ‘z eo oberiant en darvoud pouezus-mañ evit ar brezhoneg ha pa zastum ur gounid bras.

Daoust da se e chom an aozerien hag ar gevelerien oberiant. Prometiñ a reer deomp ur redadeg kaer evit an distro ar bloaz a zeu ! Da c’hortoz gant pasianted miz Mae 2021 e kinnig ar Redadeg ul lusk war Facebook : embann ho soñjoù pe ho krouadennoù en ur venegiñ pajenn ar Redadeg, un doare da lidañ ar brezhoneg en un doare all ar sizhun-mañ !

Evel-just e kemero Diwan perzh er redadeg e miz Mae 2021 evit ar glaoustre « Brezhoneg ha plijadur » ! Ouzhpenn da se e c’houlennomp digant hon izili holl, kerent, gopridi, tud tost o c’halon ouzh Diwan kregiñ e-barzh ha prenañ kilometroù evit ma c’hello ar gevredigezh prientiñ seder an abadennoù da zont.

Ar Redadeg, petra eo ?

Ar Redadeg a zo ur red a bep eil a zo e fall lakaat da dremen ur c’hemennad a zorn da zorn a-dreuz 5 departamant Breizh. Kemer a ra milieroù a dud perzh enni evit redek noz-deiz hag evit aozañ darvoudoù a-hed an hent. Ur gouel eo ivez a zo evel hor yezh : bev, leun a startijenn, treuzkaset a rummad da rummad…

Gwerzhet eo an holl gilometroù da hiniennoù, kevredigezhioù, maered ha strollegezhioù lec’h, embregerezhioù...skoazellañ a reont ar brezhoneg. E fin an darvoud, roet e vez ar gounidoù d’ar rouedad Diwan ha da raktresoù a gas war-raok implij pemdeziek ar brezhoneg e tachennoù ar c’helenn, an dudi, ar mediaoù, ar sport pe ar sevenadur.

Gerioù-alc'hwez stag : redadeg    brezhoneg   

Skignañ ar pennad-mañ

Lenn ivez

Kenemglev Stad-Rannvro : Bepred unvan hor c'hevredigezhioù evit goulenn neveziñ anezhañ

8 a viz Ebrel 2021, Kambr ar gannaded e Pariz. 247 kannad o deus votet evit ar c'hinnig a-zivout gwarez ar yezhoù rannvro hag o bruderezh.

Lezenn yezhoù rannvro : Kannaded·ezed Breizh ! Deomp dezhi betek penn, kontañ a reer warnoc'h d'an 8 a viz Ebrel !

Ni, ar strollad "Unanet evit ar Brezhoneg" a stourm abaoe mizioù evit ma vo an 8 a viz Ebrel un devezh istorel evit ar yezhoù bev...

"Bonreizhel eo ar c’helenn dre soubidigezh e yezhoù rannvro"

D'an 8 a viz Ebrel e vo studiet gant ar senedourien en eil lennadenn kinnig lezenn ar c'hannad Paul Molac war gwarez gladel ar yezhoù...

Renabl danvez niverel e brezhoneg evit talañ ouzh epidemiezh ar c’hovid-19

Evit derc’hel ul liamm gant yezh ar skol e-pad epidemiezh ar c’hovid-19 ez eus kalz a zanvez plijus, evit studiañ pe evit dudiañ....

An holl bennadoù war an tem-mañ