Skol Diwan Sant Ervlan
Ur skol nevez eo Diwan Sant-Ervlan, e miz Gwengolo 2023 e oa an eizhvet distro-skol, gant war-dro tregont bugel dija, ha penn kentañ ar c'hentañ derez. Tost an hanter eus ar vugale o deus o zud orinoù en Amerika ar Su, ar Maghreb, Korea, broioù reter Europa... Ar re-se a glev alies dija meur a yezh er gêr, plijet eo o zud e vefe kreñvaet al liesyezhegezh gant ar c'helenn dre soubidigezh e brezhoneg. Plijet eo ar familhoù da welet ivez ur bern kevredigezhioù asambles er memes lec'h dindan an anv «Yezhoù ha Sevenadur» en ur skol bet serret ha gant leun a blas, ur vagouri, stummadur hir Skol an Emsav, ur vediaoueg er Greizenn Dafar Sevenadurel Keltiek, Kentelioù an noz hag ur skolaj hag ur skolaj Diwan ! Brezhoneg e pep lec'h ! N'emañ ket pell ar skol-mañ diouzh hini gentañ Naoned. Eskemmoù zo etre skol Diwan Sant-Ervlan ha div skol Naoned. Skol Diwan Sant-Ervlan he deus degaset buhez e karter «Erv Breizh». Laouen eo tud ar c'harter hag an ti-kêr. Aozet e oa bet gant ar C'huzul skoazell, da skouer, un dachenn c'hoarioù gant pemzek framm-c'hwez ! Betek mil pemp kant mont e-barzh a oa bet e-pad tri devezh. Gourc'hemennoù oa doa bet gant tud karter Erv Breizh. Ur skipailh tud bugale mennet zo e Skol Diwan Sant-Ervlan, skoazellerezed-mamm a oar brezhoneg ha kelennerien ken mennet all.
