Evit ar rouedad Diwan avat eo start an traoù er c'hentañ derez. Komzet hon oa, er c'heleier, eus skol Kistreberzh ha n'he deus ket gellet digeriñ en dro ; ha daoust ma n'eo ket bet embannet c'hoazh ar sifroù ez ofisiel, ez eus nebeutoc’h a vugale er skolioù ar bloaz-mañ, eme Gregor Mazo, rener ar rouedad. Memestra ez eus keloù mat ivez evit Diwan : digoret ez eus bet un trede skol e Kemper, ha liseidi gentañ al lise nevez e Gwened o deus graet o distro-skol.