Raktres skol Diwan Kernitron-al-Lann
Ur gevredigezh nevez a zo bet krouet e Kernitron-al-Lann, enni kerent bugale yaouank ha tud tost d’ar brezhoneg.
Kuzul skoazell Diwan Kernitron-al-Lann eo anv ar gevredigezh-se. Krouet eo bet ar C’huzul Skoazell hag ar pal a vo bremañ lakaat ar raktres da vezañ anavezet gant ar muiañ a dud.
Ar skolioù Diwan tostañ zo e Sant-Ervlan hag e Savenneg, ouzhpenn 20 kilometrad eus Kernitron ! Ur skol Diwan a zesach tud o tont dre vras eus an 10 kilometrad tro-war-dro. Kernitron-al-Lann a zo lec’hiet e-kreiz kumunioù all evel Faouell, Templ-Breizh, Hierig, Gwinieg-Breizh, Blaen ha Trelier. Ur skol e Kernitron-al-Lann a roio ur chañs all d’ar vugale evit gellout deskiñ brezhoneg en ur c’horn nevez e Bro-Naoned.
