Darempred

Degemer > Poent-eo-anavezout-ar-chelenn-dre-soubidigezh
eskolim-emvod-meur-assemblee-generale-mars-2021-bastia_six_presidents_des_reseaux_denseignement_par_immersion

Poent eo anavezout ar c’helenn dre soubidigezh !

Kemennadenn bress Eskolim

30/03/2021

Lire cet article en français

Goulenn a ra Eskolim ouzh ar gannaded·ezed souten penn-da-benn ar c’hinnig lezenn war gwarez gladel ar yezhoù rannvro pa vo studiet d’an 8 a viz Ebrel. Bodet e Bastia eus ar 26 d’an 28 a viz Meurzh e c’houlenn ar c’hwec’h rouedad kelenn dre soubidigezh ouzh ar gannaded·ezed votiñ an destenn kenfurm gant labour ar Senedourien·ezed.

Evit ar wech kentañ abaoe ar IV republik (lezenn Deixonne e 1951) hon eus tro da gaout e Bro-C’hall ul lezenn gouest da ziazezañ ur statud gwareziñ evit hor yezhoù rannvro. Un taol kaer istorel, Emouestlañ a ra a-stroll pe a-unanoù nep piv a zo tost e galon ouzh derc’hel bev ar glad sevenadurel dibar-mañ.

E-touez an araokadennoù pennañ en destenn-mañ emañ anaoudegezh sklaer "ar c’helenn dre soubidigezh e yezhoù rannvro hep noazout d’ar pal anavezout ar galleg”. An hentenn efedusañ eo evit ma c’hello ar vugale bezañ komzerien divyezhek, gouest da gompren, ezteurel ha krouiñ, kenkoulz e yezhoù rannvor hag e galleg hep bezañ noazus na d’an eil na d’eben. N’eo ket ar studiadennoù a vank, re an Deskadurezh stad en o zouez, ha disoc’hoù mat-kenañ evit ar breved hag ar vachelouriezh a ziskouez mat pegen efedus eo an hentenn-mañ.

Kempouez eo an destenn kinniget gant ar Sened, dreist-holl gant ar meneg "pal un anaoudegezh mat eus ar galleg" a ra dave eeun da vellad L121-3 Kod an deskadurezh1, lakaet da dalvezout en hor skolioù p’emaint dindan gevrat kevredigezhel gant ar Stad.   
 
Soñj o deus izili Eskolim eus perzhioù mat ar c’hendivizoù bet da geñver studiadenn an destenn-mañ er Sened. Spi hon eus ne zistroio ket an arguzennoù lezennel a lavare e vefe ar soubidigezh divonreizhel. Evit gwir, ma lenner er Vonreizh eo "ar galleg yezh ar Republik", ar pezh a dalv eo ar galleg ar yezh boutin e Bro-C’hall, n’eus netra meneget gant an Devarnadurezh vonreizhel pe ar C’huzul Stad² diwar-benn divonreizhegezh kelenn ur yezh rannvro hervez pedagogiezh ar soubidigezh yezhel. Ar c’hontrol eo, e 2002 en deus ar C’huzul Stad roet da c’houzout e vefe deuet mat ul lezenn evit reizhekaat ar reol kelenn dre soubidigezh.

Notenn

Da geñver an emvod meur, dalc’het d’ar 27 a viz Meurzh e Biguglia, e oa bet gwiriekaet gant Eskolim emstrivadur ur c’hwec’hvet kevredigezh, Scola Corsa evit kelenn ar c’horseg er skolioù dre soubidigezh ha kevredigezhel. Digoret vo ar skolioù kentañ en distro-skol 2021, e Biguglia hag e Bastia marteze.

 

1 “ La maîtrise de la langue française et la connaissance de deux autres langues font partie des objectifs fondamentaux de l'enseignement.”

2 Décisions n° 91-290 DC du 9 mai 1991, n° 2001-456 DC du 27 décembre 2001, n° 238653 CE du 29 novembre 2002, n° 2004-490 DC du 12 février 2004.

Dielloù

Gerioù-alc'hwez stag : langue    glad   

Skignañ ar pennad-mañ

Lenn ivez

Dorioù digor Diwan d'an 10 hag 11 a viz Meurzh !

Ar bloaz-mañ, dorioù digor Diwan a zo aozet d'an 10 ha d'an 11 a viz Meurzh.

Gweladennit hor skolioù enlinenn !

Dizoloit amañ hor skolioù gant videoioù ha kavit muioc'h a titouroù diwar-benn Diwan.

Ur sizhunvezh war an diarbenn a-enep an droukziforc'hadurioù hag ar feulster

E miz Du 2022 e oa bet aozet e Skolaj Diwan Penn-ar-Bed ur sizhunvezh "Diarbenn an droukziforc’hadurioù hag ar feulsterioù". Kemeret...

Forom an heñchañ 2023

Emañ skipailh skolaj Diwan Jakez Riou oc’h aozañ forom Diwan an heñchañ.

An holl bennadoù war an tem-mañ