Sekretour·ez melestradurel ha pedagogel

Deskrivadur ar post-labour

Emañ Renerezh Lise Diwan Karaez o klask war-lerc’h ur sekretour·ez melestradurel ha pedagogel.

Goulennet e vo ganeoc’h ober war dro :

Sekretouriezh boutin

Degemer an dud war-eeun ha dre bellgomz ha kas anezho e darempred gant an dud dave

Degemer ha treuzkas al lizhiri

Degemer ha treuzkas ar mailoù

Sevel lizhiri a bep seurt (titouriñ, pedadenn, lizher pediñ, adgalv, etc)

Sekretouriezh pedagogel

Merañ an teuliadoù enskrivañ, kas anezho d’ar familhoù hag ober war dro enrolladur ar skolajidi/liseidi en diazezoù akademikel. Dreist-holl e barzh SIECLE (Système d’Information pour les Elèves en Collèges et Lycée pour les Etablissements) a zo un diazez a bouez tre evit skoliadur ar skolajidi/liseidi.

Skiant-prenet ha barregezhioù goulennet

Un diplom war ar sekretourva mui 2 pe 3 bloavezh skiant prenet war an danvez a vo ret kaout evit derc’hel ar post-mañ.

Evit ar post-mañ eo ret bezañ evezhiek, emren ha bezañ aes gant an dud.

Evel just eo ret deoc’h mestroniañ ar brezhoneg kenkoulz dre skrid ha dre gomz evit bezañ dibabet, live B2 (DBY) d’an nebeutañ.

Titouroù all

Devezh kregiñ : Diouzhtu

Padelezh labour : Leun amzer bloazieket

Koñjeoù paeet : 6 sizhunvezh + sizhunvezhioù nann labour a-drugarez d’ar bloaziekadur

Gopr : 1 726.60€ kriz miziek diaz leun amzer. Ar gopr a c’hello bezañ kevraouet diouzh ho parregezhioù

Lec’h labour : Lise Diwan Karaez, Kerampuilh 29270 KARAEZ