Kargad·ez a gehentiñ

Deskrivadur ar post-labour

• Kemer perzh e talvoudekaat skeudenn ha brud Diwan ;
• Aesaat lusk a c’heleier er rouedad a-bezh ;
• Engervel ar familhoù, an dud a-youl vat hag ar brofourien ;
• Brudañ ar mesenerezh hag ar c’hevelerezhioù ;
• Ober war-dro en enskrivadurioù betek al lise ;
• Kreñvaat an darempredoù hag ar c’henstagañ er c’hevread.

Ho kefridioù pennañ

1) Kehentiñ diabarzh

• Sevel ha skignañ ar skoroù (lizhiri-kelaouiñ, intranet, postelioù) ;
• Buzehiñ ur rouedad tud oberiant (gopridi·adezed, tud a-youl vat) ;
• Harpañ aozadur ha talvoudekadur prantadoù buhez ar c’hevread (emvod meur, devezhioù eskemm, kuzulioù skol) ;
• Skignañ ha diellaouiñ an teulioù ofisiel.

2) Kehentiñ diavaez & darempredoù mediaoù

• Kemer perzh e krouiñ ur skeudenn positivel ha brud vat ar c’hevread ;
• Sevel/skignañ kemennadennoù ha teulioù ; aozañ prezegennoù ha pennadoù-kaoz ;
• Merañ ur rouedad kazetennerien, levezonerien ha kevelerien emsavadurioù ;
• Talvoudekaat oberoù ar skolioù/skolajoù/liseoù hag ar c’huzulioù skoazell.

3) Kehentiñ niverel

• Buheziñ ha bremanaat al lec’hienn internet hag intranet ;
• Merañ ar rouedadoù sokial (linenn stur, buheziñ, habaskaat, danevellañ) ;
• Krouiñ danvez liesvedia (pennadoù, skoroù, videoioù, podkastoù) ;
• Bezañ evezhiek war ar c’heleier niverel ha mediatek.

4) Darvoudoù & mesenerezh

• Kenurzhiañ kehentiñ an darvoudoù (gouelioù ar skolioù, sonadegoù, dorioù digor, koulzad profoù).
• Sevel ar skoroù (follennoù-nij, skritelloù, lizhiri-kelaouiñ, kakemonoioù).
• Talvoudekaat ar mesenerezh hag ar c’hevelerezhioù (kitoù profourien, kehentiñ arbennik).
• Prederiañ war an ostilhoù dastum ha heuliañ (furmskridoù, koulzadoù).

5) Heuliañ & kenfurmded

• Lakaat e pleustr titourennoù (web, rouedadoù sokial, brud er mediaoù).
• Eveshaat ouzh ar c’henfurmded reoliek, dreist-holl war an RGPD.

Skiant-prenet ha barregezhioù goulennet

• Brezhoneg dre gomz ha dre skrid (ret-holl).
• Anavezout mat rouedad Diwan hag ar mont en-dro.
• Diazezoù mat war c’hehentiñ & marketing niverel, merañ raktresoù.
• Barrek war Google Workspace / Office hag ostilhoù graferezh (Canva, InDesign, Photoshop…).
• Barrek-kenañ dre skrid ha dre gomz ; komz dirak an dud
• Aozet mat, emren, oberiant war ar prim, aes gant an dud ha kaout diplomatiezh
• Liesvarrek, spered krouiñ hag intrudu ; plijet gant al labour a-stroll.

Titouroù war ar post

• Kevrat didermen leun amzer
• Gopr hervez skiant-prenet ha barregezhioù an den
• Monedoneoù ingal e Breizh ; bezañ dibres diouzh an noz ha d’an dibenn-sizhun a-wechoù.